Ukioq 2022 naangajalerpoq. Kommunini borgmesterit ukiup qanoq ingerlasimanera pillugu Sermitsiaq.AG-p aperai. Allaaserisami uani Kommuneqarfik Sermersuumi borgmester Avaaraq S. Olsenip (IA) akissutai atuarsinnaavatit.

Kommuneqarfik Sermersuumi borgmester, Avaaraq S. Olsen (IA), eqqissisimaarsinnaalerpoq ilaquttanilu eqqissisimanerulluni juullisiorsinnaalerluni.

Kommuneqarfik Sermersuup Nuuk City Developmentip, illoqarfimmik ineriartortitsinissamik suliaanik nangitsinissamut aningaasanik 1,25 milliardit koruuninik attartornissamut qinnuqaata, namminersorlutik oqartussat akuereqqammerpaat.

Kommuneqarfik Sermersuumi borgmesteri, Avaaraq S. Olsen (IA) siusinnerusukkut ilisimatitsereerpoq attartornissamut piumasaqaatit naammassissallugit.

Aningaasanik milliardit koruunit sinnilinnik attartornissamut akuerineqarsimaneq Avaraaq S. Olsenip 2022-mi iluatsilluartutut nalilerpaa:

- Aningaasarpassuarnik attartornissaq akuerineqarpoq. Aningaasat attartorneqartut pingaaruteqarluinnarput atuarfiliornitsinnut meeqqeriveqarfiliornitsinnullu, Avaaraq S. Olsen oqarpoq.

Inuuneq atorluaruk

Ukiup ingerlanerani pisimasut eqqaamanerusaasa ilagaat Tasiilami 25. september piterarmat. Piterartoqarnerani aseruatitertoqangaatsiarpoq. Tasiilamilu upalungaarsimasut qatserisartullu pilertortumik isumannaatsumillu innuttaasunit 47-nik angerlarsimaffimmiit qimagussuutsitsisinnaasimanerat nersualaarusuppai.

Ukiumut nutaamut borgmesteri oqariartuuteqarpoq:

- Qanoq misiginerit maluginiarlugu unikaallalaartarnissat eqqaamajuk. Qanoq misiginerit aallaavigalugu iliuuseqartarit. Imminut paarigit, inuunerit paariuk, allamimmi pissaqanngilagut. Qanigisatit ilagisarnissaat eqqaamajuk, oqarpoq.

Kommunalbestyrelse ukioq nutaami utoqqarnut puigortunngortunullu pitsanngorsaatissanut 4 millionit koruuninik illuartitsisimapput. Taakku saniatigut meeqqat ilaqutariillu atugarliortunut suliniutit ingerlaqqissapput. Meeqqeriveqarfinnilu sulisussaaleqinerup annertusarneqarnissaanut perorsaasut suliffinniit suliffinnut nuuttartut atorfinitsinnissaat sulissutigineqassalluni.

Nutaarsiassat

Kommuneqarfik Sermersuup Tusassillu Tasiilap atuarfiani internetersinnaaneq pitsaanerulersippaat

Tusassip Kommuneqarfik Sermersuullu suleqatigiillutik Tasiilami atuarfiup attaveqarfianik Attammik atuisinnaaneq pitsaanerulersippaat. Attavimmik 20 mbit-imiit 100 mbit-imut qaffaaneq...

Kommunip paaqqinnittarfiini atuarfiup kingorna ornittakkanilu sulisut pikkorissartut

Nuummi paaqqinnittarfinni kiisalu atuarfiup kingorna ornittakkani sulisut ilinniagaqarsimanngitsut piginnaanngorsaqqinneqarnertik sapaatit akunnerisa qulinganni aallartippaat....