August qiteqqutsinnagu NemKonto iluarsiguk
Innuttaasut suliffeqarfiillu tamarmik pisortanit aningaasanik pissarsisartut kingusinnerpaamik 12. august NemKontoqalereersimassapput. Digitalimut Sullissinermut Aqutsisoqarfik naapertorlugu innuttaasut 20.500-t NemKontomik suli iluarsiisimanngillat.
Aggustip 12-ianinngaanniit innuttaasut suliffeqarfiillu pisortanit aningaasanik pissarsisartut tamarmik NemKontoqalereersimassapput.
Namminersorlutik Oqartussat tusagassiorfinnut taama nalunaaruteqarput.
NemKonto tassaavoq bankimi konto pisortani oqartussaaffeqarfinnit tamanit aningaasanik nuussisarfiat. Bankimi konto pineqartoq kontovoq nalinginnaasoq pigeriigaq. Bankimi konto NemKontotut atorusutaq nammineerluni toqqaannagassaavoq.
- Innuttaasut suliffeqarfiillu pisortaniit 2023-mi aggustip 12-iani aningaasanik nuussivigineqartassagunik NemKonto atugassatut nalunaarsortissavaat, namminersorlutik oqartussat allapput.
Affaasa missaasa suli iluarsinngilaat
Innuttaasut affaat – innuttaasut naatsorsuutigineqartunit katillugit 43.500-nit 20.500-t - taamaaliornissartik amigaatigaat, Digitalimik Sullissinermut Aqutsisoqarfimmit kisitsisit takutippaat.
Akerlianilli netbank aqqutigalugu NemKontomik peqalernissaq ajornanngitsuararsuuvoq. Iluarsiniaraanni MitID-qartariaqarpoq. Kisitsisilli takutippaat innuttaasut 33.000-iusuni 2.500-t MitID-mik suli iluarsiisimanngitsut.
- NemKonto atulerpat innuttaasunut suliffeqarfinnullu ajornaannerulersussaavoq, tassami kontonormut oqartussaaffeqarfinnut assigiinngitsunut paasissutissiissutigisariaarutissammata innuttaasummi suliffeqarfiilluunniit NemKontotut atugassatut toqqagaat tamanit atorneqalersussaagami, namminersorlutik oqartussat allapput.
Pisortani oqartussaaffeqarfiit taamaallat NemKontomut aningaasanik nuussiinnartartussaapput, aamma kontomi aningaasanik tigusisinnaanatillu kontomi atuinerit takusinnaanngilaat.
Innuttaasut NemKonto netbankimikkut imaluunniit bankimut saaffiginninnermikkut nalunaarsortissinnaavaat. Aamma NemKonto uani nalunaasortinneqarsinnaavoq www.nemkonto.dk.