ATV-nik annertuumik ajutoortoqartoq
Kangaatsiami inuit pingasut aqqusinikkut angallannermi ajutoornermikkut ajoquserput.
Arfininngorermi ullaakkut naluanaqutaq 07.00 Kangaatsiami inuit pingasut ATV-nik ajutoornerminni ajoquserput. Taakku Aasiaat napparsimmavianukaanneqarput, tamarmillu inuunerat ulorianartorsiunngilaq.
- Aasianni politiit maanna suliaq misissuleruttorpaat, tassani aqqusinermi angallannermi ajutoorneq annertuumik ajoquserfiusoq pineqarmat, imigassartorsimalluni ingerlassisoqarsimanera pasilliutigineqarpoq, tamatumunngalu atatillugu inatsisinik unioqqutitsisoqarsimanersoq misissorneqaleruttorpoq, politikommissæriugallartoq, Brian Thomsen, tusagassiuutinut nalunaarummi allappoq.
- Aasianni politiit ATV-nik ingerlatsinermut malittarisassat erseqqissaatigaat. ATV-t pinnguaanngillat. ATV-t nummerplademik nalunaarsorneqartussaapput, angallatitullu motorilittut nalilerneqartarmata ATV-mik ingerlatsinerup aqqusinermi angallannerup aalajangersagai malinneqartussaapput.