Skip to main content

Atugaq MIO-meersoq RAL-p aningaasaliiffigaa

MIO ilaqutariinneq nukittooq pillugu atuakkamik saqqummersitsivoq

Umiarsuaatileqatigiiffik Royal Arctic Line aamma Meeqqat pisinnaatitaaffiinut sullissivik MIO ippassaq ataasinngornermi decembarip 18-iani 2017 isumaqatigiissummik atsiorput. Ilaqutariinneq nukittooq perorsaanermilu killiliisinnaaneq pillugit atuagaaqqap pilersinneqarnissaanut aningaasaliinissaq isumaqatigiissutigineqarpoq, RAL tusagassiuutinut nalunaarummi allappoq.

Atuagaaraq pilersinneqassaaq MIO-p 2017-ini misissuisitsisimanera tunngavigalugu. 

- Qujamasuutigaara Royal Arctic Linep nunatsinni ilaqutariissuseq nukittooq tapersersorniarmagu. Meeqqat pisinnaatitaaffii malissagutsigit, aamma ilaqutariittut qanoq iliuuseqarsinnaanerluta ilisimasariaqarparput. Taamaattumik pisariaqartitsisunut najoqqutassanik tigussaasunik peqartitsinissaq pingaaruteqarpoq, Meeqqat illersuisuat, Aviâja Egede Lynge, oqarpoq.

Isumaqatigiissummi 130.000 koruunit atuakkiornermut, assiliartalersuinermut naqiterneqarneranut kiisalu siammarterneqarnissaanut atorneqassapput.

- Kalaallit Nunaat tamakkerlugu suliniutinut pingaaruteqartunut pisariaqartunullu tamatta akisussaaffeqarpugut. Suliffeqarfittut inuiaqatigiit akornanni akisussaaqataasutut tulluusimaarutigaarput atuagaaqqap piviusunngortinnissaanut peqataasinnaagatta, qularinngilarpummi inuiaqatigiinni nuannaarutaajumaartoq, Royal Arctic Line-mi attaveqatigiinnermut pisortaq, Ann-Britta A. Olsvig, oqarpoq.

Velkommen til debatten
  • Oqallinneq malinnaaffigalugulu peqataaffigerusukkukku cookie akuerissavat.
  • Sermitsiaq.AG-p atuartartut akunnerminni isumaqatigiinngikkaluarpataluunniit kissaatigaa, pitsaasumik oqallittoqartarnissaa. Oqallinnissamut malittarisassavut unioqqutinneqarpata oqallinnermut peqataaqqusaajunnaartitsisoqarsinnaavoq.oq .
  • Peqqarniitsumik oqaaseqartoqarsimaneranik nalunaarutiginnittoqarsinnaavoq, "rapporter" toorlugu imaluunniit ”markere som spam” toorlugu”.

Forsiden lige nu

SENESTE NYHEDER