Atuarumatooq nammineq pigisaminik atuagaarniarfittaartoq
Inuunini tamaat atuarneq nuannarisimavaa, Nina Jul Larsen anguniagaqarfiusupilussuarmik sulereerluni nammineq atuagaarniarfiumminik ingerlatsiniarluni suliffimminit soraarsimavoq
- Atuagaq ataasiinnaq?
Niviarsiaraq Nina ilinniartitsisuminut qularpasilluni isigivoq. Aatsaavissuaq atuakkanik atorniartarfimmiippoq, atugarpassuarnillu angerlarluni atugassaminik atornissani naatsorsuutigisimallugu. Angajoqqaani peqatigalugit atuakkanik atorniartarfimmiittarsimaqaaq, atuagarpassuarnik atorniarlutik. Atuarfimmili allatut malittarisassaqarsimannguatsiarpoq.
- Paasiuminaatsinnikuuara, Nina Jul Larsen qungujulluni eqqaamasalikkersaarpoq.
Atuakkat inuuneranut ilaasimaqaat. Taamaammat immaqa eqqumiippallaanngilaq, ullumikkut Ilulissani atuagaarniarfimmik Books & Coffeemik piginnittunngorsimanera.
- Atuagaarniarfinniittarnera nuannarisarsimaqaara. Nalunaaquttap akunnerpassuini atuakkat misissorsinnaasarpakka, kusanartumillu sanileriiaallugit iliorarsimasarneri nuannarisarlugu, Nina oqarpoq atuagaarniarfeeqqamilu isersimaffigisanni talini siaarlugit. Atuakkat ilitsivimmut uingasumut peqqissaarullugit iliorarneqarsimapput nassaariuminartunngorlugit. Atuagaarniarfiup teqeqquani pappialat nioqqutigineqartussat iliorarneqarsimapput, pisiniarfiullu ilorpiaani nalaasaarfeqarpoq nuannerluinnartumik, tassani maanna issiavugut Ninallu niuertutut inuuneqalernera oqaluuseralugu.
Suliunnaarluni meeqqani nukangasoq paarissallugu aalajangersimavoq
Ninalli nammineq atuagaarniarfiuteqalerneranut pissutaarpiartoqtassaavoqpania Selma. Nina erninerminut atatillugu sulinngiffeqareerluni Namminersorlutik Oqartussat Paasissutissiisarfiani suliffimminut utertussanngormat, Selma qaammatinik arfinilinnik utoqqaassuseqarpoq sulilu nalunaaquttap akunneri pingasukkaarlugit anaanamini miluttarluni.
- Meeraaqqerivimmi inissaqarsimanngilaq, uangalumi paninga taamatut ukiulik meeraaqqerivimmiitissinnaasimanngilara. Meeraaqqerivimmiitissalungu ingasangisimavara, Nina nassuiaavoq.
Peqatigitillugu Ilulissanut aggerfimminut angerlarsilersimavoq. Taamaammat aappaa Ilulissani suliffissarsimmat, suliffini Nuummilu inuunini qimallugit aallaqatigaa.
Arnanut maanna pisiniarfinni pisiarineqarsinnaasuni imaluunniit linki tulliuttoq aqqutigalugu Nina Jul Larsenip ilisaritinneqarnera tamaat atuarsinnaavat:
