Atuartut pinngortitami eqqakkanik 750 kilonik katersisut
Nuummi atuaqatigiiaat 7. klassit assigiinngitsut arfinillit, pingasunngormat eqqakkanik katersigamik katillugit 750 kilot katersorpaat. Nuuk Saligaatsoq 2023 sioqqutitsiarlugu tamanna pivoq, illillu aamma saleeqataasinnaajumaarputit.
750 kilo.
Atuaqatigiiaat 7. klassemi atuartut arfinillit Nuummi pingasunngornermi eqqakkanik taama oqimaatsigisunik katersisimapput.
Kommuneqarfik Sermersuup nittartagaani tamanna atuarneqarsinnaavoq. Atuartut aalajangersimasuni katersitinneqarput, illoqarfiullu ilarujussuani saliillutik. Saliisimanertik pillugu aningaasannatsinneqarput, sammisaqatigiinnissamut atugassanik.
Ullormi saliinermi Brugsenimit Qalut Vóninimiillu tapiiffigineqarpoq, saliisitsinerlu Nuummi Najukkami Ataatsimiititaliamit, CSR Greenland Kommuneqarfik Sermersuullu Avatangiiseqarnermut immikkoortaanik suleqateqarlutik aaqqissuuppaat.
Saligaatsoq najukkami ingerlanneqassaaq
Ulloq iluittoq saliisitsineq Nuuk Saligaatsoq 2023-mut kissassaaneruvoq. Saligaatsoq ingerlanneqassaaq 8. juni ingerlanneqassaaq, innuttaasullu saleeqataanissaat kommuneqarfiup kaammattuutigaa.
Suliniut suliffeqarfiit saliisarnerattut aallartippoq, suliffeqarfiit sulinerup nalaani avatangiisiminni saliisinneqartarlutik.
Saligaatsup suliffeqarfiit, kattuffiit innuttaasullu ataasiakkaat periarfissippai pinngortitaq avatangiiserpullu eqqiluitsuutinnissaanik suliniuteqarnermut peqataasinnaanissaannut. Suliniut aallarteqqaarpoq suliffeqarfiit suliitinneqartarnerannit, tassani najukkami suliffeqarfiit ataatsimoorussaminnik saleqatigiittarsimapput, eqqakkat pinngortitamiittut illoqarfimmiittullu katersorneqartarsimallutik.
Nuummi saliineq junimi ingerlanneqartarpoq, aputip aareersimanissaa utaqqineqartarluni. Najukkani allani saliinissamut ulluliussat allaanerusinnaasarput.
Peqataanissamut UANI nalunaarsinnaavutit.
