Skip to main content

Atuartut nunaqarfinneersut aallarneq ajulersut

Atuartut Aasianni meeqqat atuarfianni atuartuusut atuarfiup ammarnissaanut tikereersimanissartik naatsorsuutigisinnaanngilaat. Atuartut angajulliit inaarutaasumik misilitsinnernut peqataanissaat qularnarpoq.

Atuarfiit påskep kingorna ammarpata, angajullerni atuartut ilaat atuanngitsuussapput.

Atuarfiit angallannerlu martsip qiteqqunnerani matuneqarmat, ilaatigut Kommune Qeqertalik aalajangerpoq atuartut nunaqarfinneersut kissaataat malillugit angerlartikkallarniarlugit. Nunaqarfiit taakku illoqarfiup Aasiaap ataaniittuunngillat.

- Atuartut naammassisussat arlallit Kangaatsiap eqqaaneersut atuartuutigaagut. Sumiiffiilli akornanni angalaqqusinnginneq pissutigalugu atuartut taakku Aasiannut tikissinnaanngikkallarput. Oqartussat innersuussutaat uniorlugit iliuuseqarusunngilagut, Kommunemi pisortaanerugallartoq, Thomas Holm Jensen Sermitsiaq.AG-mut oqarpoq.

Aasianni atuartut angerlarsimaffianni najugaqartut Aasiaat Kangaatsiallu nunaqarfianinngaanneersuupput.

Alimasissumillu atuartitsinissaq eqimattanut taakkununnga unammillernartoqarpoq. Aasiaanni atuartut tamakkerlutik Ipadeqaraluarput, atuartitsinermi atorneqarsinnaasunik.

- Atuartulli nunaqarfinniissappata tamanna unammillernartortaqarpoq. Internetimut attaveqarniarneq unammillernassaaq, alimasissumilli atuartitsinissamut periarfissat pitsaanerpaat tunniussinnaasagut sulissutigaagut, Thomas Holm Jensen oqarpoq.

Soraarummeerluni misilitsinnissat ulorianartorsiorput

Atuartut taakku qanoq ilillutik inaarutaasumik misilitsissinnaassanersut suli qulakkeerneqanngilaq.

- Pilersaarutit assigiinngitsut suliaraagut. Taakkuli pillugit sapaatip akunnerata tulliani aatsaat oqaaseqarsinnaassaagut, Thomas Holm Jensen ilisimatitsivoq.

Inaarutaasumik misilitsinnerit pilersaarutit malillugit aprilip 27-ani aallartissapput.

Sermitsiaq.AG Qeqqata Kommunianut saaffiginnikkaluarpoq, atuartut nunaqarfinneersut pillugit. Kommunili saaffiginnissutimut qisuarianngilaq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER