Skip to main content

Atuartut nikingasunik skemaqartinneqarlutik atuartinneqassapput

Nuummi meeqqat atuarfii suli matoqqatinneqarallartut, taamaattoq sinerissap sinnerani atuarfinni atuartut, atuagaasivitsik poortoriarlugu påskep ulluisa kingorna atuariartortussanngussapput.

Meeqqat atuarfiini atuartitsineq - Nuummiittut minillugit - sapaatit akunnerni tullerni allanngorujussuaqqittussanngorpoq.

Alimasissumik atuartitsinerit pisariaqavissumillu paaqqinninnerit sapaatit akunneri marluk kingulliit ingerlatereerlugillu, ilinniartitsisut atuartullu atuartitseriaatsinut allarluinnarnut piareersartussanngorput.

Atuaqatigiikkuutaat eqimattanut marlunnut avinneqassapput:

  • 1.-6. klassit ullaakkut nal. 8.00-11.30 atuartinneqartassapput
  • 7.-10. klassit ualikkut nal. 12.00-16.00 atuartinneqartassapput

Kommuneqarfik Sermersuumi klassini atuartut affaannanngortillugit ikilisinneqassapput, atuartut atuartitsinerup nalaani imminnut qanippallaarlutik issiannginniassammata. Taama isiortoqarpoq tunillaassortoqalernissaa pinngitsoortinniarlugu.

Inimi issiasussat ikilisinneqarput aprilip 14-aniit nuna tamakkerlugu katersuuttut inuit amerlanerpaamik quliunissaat inassutigineqarmat.

- Taama isiorpugut inuit katersuuttut ikinnerpaamiitikkumallugit, nunatta nakorsaanera Henrik L. Hansen ullumi tusagassiortunik katersortitsisoqarmat ilisimatitsivoq.

- Assaat asalluartarnissaannut atuarfinnilu eqqiaalluartoqarnissaanut innersuussutit malinneqarnissaat isumagineqassaaq. Eqqiluisaarneq allanullu qanillinnginnissaq eqqumaffigineqassapput, Kommuneqarfik Sermersuumi attaveqatigiinnermi pisortaq, Lars Damkjær ilisimatitsivoq.

Atuartut pingasunngorpat atuariartussapput

Kommunimi illoqarfiit pingasut, tassa Paamiut, Tasiilaq aamma Ittoqqortoormiit, taakkulu nunaqarfii, atuarfii pingasunngornermi aprilip 15-ani ammarneqassapput.

Atuartut atuartinneqarnissaannut skemat immikkut ittut ilinniartitsisunit marlunngornermi aprilip 14-ani piareersarneqassapput.

Atuareernerup kingorna ornittakkat ammaannassapput, atuartulli amerlasuunngorlutik
ataatsimoortittannginnissaat pinaveersaarlugu.

Kommune Qeqertalimmi kommunaldirektøriugallartoq Thomas Holm Jensen ilisimatitsivoq, kommune atuartitsinissamut pilersaarummik assigusumik suliaqartoq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER