Atuartut FN-ip nunarsuarmut anguniagaai pillugit atuartinneqartut
Qeqqata Kommuniani meeqqat atuarfiini atuartut 1300-t tamarmiullutik FN-ip nunarsuarmi piujuaannartitsinissaq tunngavigalugu ineriartortitsinissamut anguniagai pillugit sapaatit akunnerni pingasuni tullerni immikkut sammisaqartinneqassapput.
Meeqqat atuarfiini atuartut nunarsuup paarinissaata pingaaruteqassusaannik atuartinneqassapput.
Qeqqata Kommunia piujuaannartitsinerulersinnaanera anguniarlugu kommunimi meeqqat atuarfiini atuartut sapaatit akunnerni tullerni pingasuni immikkut sammisaqartinneqassapput, tassani isumassarsiorlutillu nutaaliortinneqassallutik. Sapaatit akunnerni marlunni siullerni isumassarsiussapput, sapaatip akunnermilu kingullermi piujuartitsinissaq pillugu Nunarsuarmi anguniakkat tunngavigalugit suleqatigiissallutik.
- Qeqqata Kommuniani atuartitsinerup ineriartortinneqarnissaa ukkatarinikiuuvarput, taamaaliluni ilikkagaqarnissaq suleqatigiinnerlu annertuneruleraluttuinnartumik ukkatarineqassalluni. Ilutigitillugu nunarsuarmioqataarusuppugut, nunarsuup sinnerata assinganik unamillernartunik inuiaqatigiittut unammilligassaqaratta. Nunarsuarmi anguniakkanik anguniaqaqarluni suut tamarmik qaffasinnerulertarput, kommunip pingaarnertut anguniagarimmagu atuilluartuunissaq, Qeqqata Kommuniani ilinniartitaanermut ataatsimiititaliami siulittaasoq, Evelyn Frederiksen, tusagassiutinut nalunaarummi oqarpoq.
Nunarsuarmi anguniakkat
Kommunimi meeqqat atuarfiini ilinniartitsisut arlallit piujuartitsinissaq pillugu pikkorissarneqarsimapput, taaneqartumik Aktion Verdensmål. Ilinniartitsisut piujuartitsinissaq tunngavigalugu nutaaliortumik atuartitseriaaseq misilissimavaat,t tamannalu iluatsilluarmat ilinniartitsisut tamakkerlutik maanna suliniuteqartitsissapput.
Atuartut maajimi juunimilu naammassisaat aaqqitaallu pillugit, aamma akuulluarsinnaanerat nutaaliorsinnaassuseqarnerallu borgmester Malik Berthelsenip nuannaraa.
- Inuiaqatigiittut unammilligassatsinni aaqqiissutissanik pissanganartunik amerlasoorpassuarnik takutitsipput. Atisanik eqqakkanillu atoqqiineq, imermik imigassamik minguitsumik qulakkeerinninneq aamma allarpassuit atuartut pitsaasunik
akissutissarsitippaat. Unammilernarsinnaasut innuttaasunit, inuussutissarsiutilinnit kommumiillu atuartunut tunniussaapput. Sapaatit akunnerini pingasuni aggersuni atuarfinni atuartuutitta pissanganartunik unammillernartunik suliassanik tuninissaannut
innuttaasut, inuussutissarsiutillit kommunillu ingerlatsiveqarfiit suleqatigiinnissamut piareersimasut neriuutigaara. Pissanganarluinnassaaq, Malik Berthelsen oqarpoq.
Aktion Verdensmål ‘Learning’-imit inerisarneqarsimavoq, kommunimilu meeqqat atuarfiini ilinniartitsisut suleqatigalugit atuartunut maanna suliaqartitsilluni.
Atuarfiit FN Nunarsuarmi anguniagai pillugu siunissami aalajangersimasumik sapaatip akunneqartarnissaat pilersaarutaavoq, taamaalillutik Piujuaannartitsineq pillugu ilisimasaqarnerulerniassammata.