pilluaritsi
Atuartut angusaqarluartut nersorniarneqartut
Kommuneqarfik Sermersooq Paamiuni, Nuummi Tasiilamilu legatinik tunniussipput
Nuummi aaqqissuussinertalimmik Piareersarfimmi atuartut marluk 3.000 koruuninik aningaasartalimmik legatinnapput, tunniussisuulluni borgmesterip tullia siulleq Andreas Uldum.
Kommuneqarfik Sermersooq Ilinniartunut Legatimik siullermeerluni 2011-mi agguaavoq, ukiullu tamaasa Piareersarfinni tamani atuartoq ataaseq GU-milu atuartut marluk tunineqartarput. Legati atuartunut soraarummeertunut immikkut piginnaasaqarnermik takutitsisunut suleqateqarnissamullu piumassuseqarluartunut tunniunneqartarpoq.
Legati piginnaasatigut aamma naleqartitanik nersorinninnermik ersersitsiniarneruvoq, taakkumi inuiaqatigiinni ataatsimoorfeqarnermut pitsaasumillu ineriartornissamut pingaaruteqartuupput. Tassunga ilanngullugu ilinniagaqarnermi ingerlaqqinnissamik atuartunut kaammattuutissatut kiisalu innuttaaqataanermut akisussaaqataanermullu kaammaatuutissatut isigineqassaaq.
Nuummi Piareersarfiup inassuteqaatigaa Jakob Heilmann, AEU-mi ilinniartoq, aalajaatsuuvoq, eqeersimaartoq, pimoorussisoq, peqqissaartoq, namminersorsinnaassusilik inerissimasorlu. Fagini tamani angusaqarluarnikuuvoq.
Ilanngullugu Nuummi Piareersarfiup inassuteqaatigaa Viggo Poulsen, FA-mi ilinniartoq, aamma taanna aalajaatsuugami, suliassaminik peqqissaarussisoq, piffissaq eqqorlugu suliaminik tunniussisartoq, eqeersimaartoq, apeqqutissaqaruni ujartuisartoq, ilinniartoqatiminik qiimmassaasartoq, siunnerfilimmik isornartorsiuisinnaasoq, isummaminillu anitsinissaminik tunuarsimaartuunngitsoq. Aamma suliatigut inuttullu ineriartorsimavoq.
Paamiut Tasiilarlu
Kommunalbestyrelsemut ilaasortaq Tim Serritslevi Piareersarfimmi Paamiuni Maren Abrahamsenimut legatimik tunniussisuuvoq.
- Maren Abrahamsen, Piareersarfimmi ilinniartuunermini inuttut ineriartorluarsimallunilu atuagarsornikkut siuariarujussuarsimavoq. Maren aamma ilinniartoqatiminik ikiuunnissamut ilitsersuinissamullu nukissaqarluartuuvoq, uummatigissuuvoq isummersuutiminillu erseqqissuliortarluni, Piareersarfik Paamiut tunniussinermut nalilersuivoq.
Peter Jonathansen, Kuummiuneersoq, Piareersarfimmut takkuttarnermini aalajaatsuuvoq. Ilakkuminartuuvoq nuannaartuullunilu. Ilinniartitsisunit ilinniartuniillu nuannarineqartuuvoq, nuannaartuugami ammasuullunilu.
- Peter ilinniagaqarusuppoq, tamannalu Piareersarfimmi tiimeqarnermi ersarilluartuuvoq. Aamma timersornermik nuannarisaqartuuvoq, tamatigungajak sunngiffimmini arsamik nassartartoq.Aamma Bornholmip Højskolianit aamma allaapput pissuserissaartuunera aalajaatsuuneralu pillugit Peter nuannarisorujussuugitsik, tunniussinermut nalilersuutigineqarpoq.