Atuartut angerlarsimaffeqanngitsunut nerisassiortut
Nuuk Internation Friskole-mi (NIF) atuartut Nuummi angerlarsimaffeqanngitsunut iggassillutillu nerisassiorput sisamanngormat.
Siuleqqiutitut tapas, gnocchi tomatsovsilerlugu aamma kartofelsuppe kiisalu kinguleqqiutitut iibilikaagi kiisalu siku kinguleqqiutitut.
Nuummi angerlarsimaffeqanngitsunut taakku sassaalliutigineqarput.
Nuuk Internation Friskole-mi (NIF) atuartut Nuummi angerlarsimaffeqanngitsunut iggassillutillu nerisassiortuupput.
Atueqqittarneq pillugu atorluaaneq
- Suliniut una assigiinngitsorpassuarnik pitsaasunik ilaqarpoq. Meeqqat nerisassiornermik aamma cafe-mik ingerlatsinermik ilikkagaqassapput, aamma maangaannartitsiumanani nerisassat nioqqutissanit atunngitsuukkanit pisut atortussaagatsigit. Peqatigitillugulu atueqqissinnaaneq aamma tassaniippoq, nerisassat akeqanngitsumik angerlarsimaffeqanngitsunut sassaalliunneqartussaammata, FoodLad-imi suliniummik aqutsisoq Anne Nivíka Grødem oqarpoq.
NIF-imi atuartut sapaatip akunnerani immikkut sammisaqarnerminni piujuartitsineq aalluppaat, tassanilu nerisassanik atorluaaneq immikkut pingaarutilittut sammineqarpoq.
- Ataasinngornermi ullaakkulli meeqqat nerisassanik maangaannartitsinermik atuartinneqarput, pingasunngorpallu FoodLab pulaassavaat, nerisassat takusarlugit. Nerisassallu tunniunneqartut tunngavigalugit atuartut nerisassanut najoqqutassarsiussapput, taakkulu cafeqartitsinerminni tulluarsarlugit nerisassiorput, nalunaarutigineqarpoq.
DMI Tasiilami Kategori 2-mik sakkortussuseqartumik anorersuarnissaanik aarlerisaarivoq, 6. marsi 2024 nal. 09.00-imiit 7. marsi 2024 nal. 01.00-imut atuuttussamik. Anorersuaq sekundimut 25...
Aputit, nipilersortut ataatsimoornerillu nuannersut sammereerlugit ukioq manna Snow Fest sapaatip akunnerata naanerani naammassineqarpoq. Pisortatigoortumik ajugaasup...