Ilinniarneq
Atuartunut immikkut pisariaqartitsisunut GUX-imi ilinniagaq nutaaq
Ilinniartunut innarluutilinnut imaluunniit autismeqartunut ADHD-mik innarluuteqartunut GUX ilinniakkamik nutaamik pilersitsivoq
Ukiumi atuarfiusumi 2018/2019-mit ilinniartunut immikkut pisariaqartitsisunut GUX ilinniakkamik nutaamik pilersitsissaaq.
Ilinniagaq GUX-S-mik taaguuserneqassaaq, taannalu ilinniartunut innarluutilinnut aamma autistimik imaluunniit adhd-mik innarluuteqartunut ilinniarfiussaaq, taamaalillutik ilinniarnertuunngorniarnermik naammassisaqarnissamut periarfissagissaarnerulissapput.
- Ilinniarusutamik aallusserusunneq kiisalu inuiaqatigiinni eqeersimaarluni akuuneq, innuttaasunut amerlanernut periarfissaasariaqarpoq, Ilinniartitaanermut Naalakkersuisoq, Doris J. Jensen, oqarpoq.
Septembarip aallaqqaani qinnuteqarfissaq kingulleq
Aasaq manna ilinniarnertuunngorniarfinni ilinniakkamut nutaamut qinnuteqarnissat Naalakkersuisut periarfissiissutigissavaat, ukiormannalu septembarip aallaqqaataata tungaanut qinnuteqartoqarsinnaavoq.
Ilinniagaq pillugu uani paasisaqarnerusoqarsinnaavoq.