sipaarniartoqareersoq
Atuartitsisarneq qaffasissumik ingerlaannassasoq neriorsuisoqarpoq
Naak meeqqat atuarfiini sipaarniartoraqaluartoq, atuartitaanerup pitsaasumik ingerlaannarnissaa, Meeqqanut, Ilaqutariinnut Ataatsimiititami siulittaasoq Anda Uldum Demokraatit neriorsuuteqarpoq
- Kommuneqarfik Sermersuumi atuartut tamarmik atuarnerminni pitsaanerpaamik atugassaqartinneqarnissaat anguniarparput. Pitsaasumimmi atuartitaanerup, meeqqata siunissami takorluugaannik neriutaannillu piviusunngortitsinissaannut, pitsaanerpaamik periarfissiissaaq.
Meeqqanut, Ilaqutariinnut Ataatsimiititami siulittaasoq, Anda Uldum Demokraatit akerliussutsimik takutitsisunut ilaatigut oqarpoq. Kommuneqarfik Sermersuup meeqqat atuarfiinut sipaarniarnera pillugu ilinniartitsisut angajoqqaallu 100-t sinneqartut akerliussutsimik takutitsipput.
- Sipaarutit qanoq kinguneqassappat? Sipaarutissat pingajorarterutaat qitiusumik allaffissornermut tunngavoq. Taamaattumik atuarfeqarnermut tunngasut eqqorneqassanngillat. Sipaarutissat pingajorarterutaasa aappaat ilinniartitsisut pikkorissartarnerannik ilinniaqqittarnerannillu unitsitsigallarnernut tunngavoq.Tassa atuarfeqarnermut atornikuusavut atorluarsimanerivut paasiniarlugu unitsitsigallarpugut. Atuartuutitta pisariaqartitaat sumiinnerallu naapertorlugit maannamiit ilinniartitseqqiinerit siunnerfilersussavavut pitsanngorsaavigalugillu. Sipaarutissat pingajorarterutaasa pingajuat atuarfinnut tamanut tunngavoq, sipaarutissalli atuarfiit angissusaat naapertorlugit agguataarneqarnikuupput. Tassa imaappoq, atuarfiit annerit sipaarfigineqarnerpaapput.
Meeqqanut, Ilaqutariinnut Ataatsimiititami siulittaasup akerliussutsimik takutitsisunut oqalugiaataa talerpiata tungaani pdf-innogorlugu atuarneqarsinnaavoq