Atuartartut naliliipput: Marlunnik qinigaaffeqarneq atorunnaarli
Sermitsiaq.AG-p marlunnik qinigaaffeqarnermut tunngatillugu taasisitsinerani, atuartartut peqatasimasut 92 procentiisa politikerit marlunnik qinigaaffeqarnaveersaartassasut isumaqarput.
Inatsisartuni ilaasortani 31-iusuni arfineq-pingasut ullumikkut marlunnik qinigaaffeqarput.
Sermitsiaq.AG tamanna pillugu taasisitsivoq, atuartartullu ersarilluinnartumik kissaatigaat marlunnik qinigaaffeqartoqassanngitsoq.
Nittartakkap Facebookimi quppernerani taasisitsinermi maannakkorpiaq 769-it taasisimapput. Taakkunannga 92 procentii, tassa taasisut 707-it marlunnik qinigaaffeqartarnerup atorneqarnera akuerinngilaat.
8 procentit, tassa taasisut 62-it isumaqarput politikerit Inatsisartuni ilaasortaanerminni kommunalbestyrelsemi aamma ilaasortaasarnerat ajunngitsoq.
Inatsisartuni ilaasortat marlunnik qinigaaffillit:
- Peter Olsen (IA), Kommune Qeqertalik
- Aqqa Samuelsen (IA), Kommune Qeqertalik
- Henrik Fleischer (S), Qeqqata Kommunia
- Laura Taunajik (S), Kommuneqarfik Sermersooq
- Randi Vestergaard Evaldsen (D), Kommuneqarfik Sermersooq
- Justus Hansen (D), Kommuneqarfik Sermersooq
- Anders Olsen (S), Kommune Kujalleq
- Stine Egede (IA), Kommune Kujalleq
Læs hele sagen:
-
Hver fjerde Inatsisartut-politiker har et dobbeltmandat
-
Inatsisartuni politikerit sisamararterutaat marlunnik qinigaaffeqarput
-
Dobbeltmandater risikerer at svække demokratiet
-
Marlunnik qinigaaffillit tamat oqartussaanerannik innarliisinnaasut
-
IA Nuuk marlunnik qinigaatitaqarusunngilaq
-
IA Nuuk marlunnik qinigaaffeqartitsinngilaq
-
Ingen dobbeltmandater i IA Nuuk
-
Marlunnik qinigaaffeqartut qanoq isumaqarfigaagit?
-
Hvad mener du om dobbeltmandater?
-
Afskaf dobbeltmandater