oqallinneq
Atuartartut inuiattut ataasiinnarmik erinarsuuteqarnissaq kissaatigaat
Quppernermi uani atuartartut Nunatsinni inuiattut erinarsuutip aappaa peerneqartariaqartoq toqqarpaat
Peter Olsenip (I)A inuiattut erinarsuut pillugu oqallisissiaa Inatsisartut ataasinngormat eqqartorpaa.
Siumut isumaqarpoq, 'Nunarput utoqqarsuanngoravit' Kalaallit Nunaata inuiattut erinarsuutigissagaa.
- Siumumi isumaqarpugut, inuiattut erinarsuuterput pillugu inatsiseqartariaqartoq. Taamatullu pisoqartinnagut, Naalakkersuisut kaammattortariaqarpagut sineriassuatsinni inuiaaqatigut oqalliseqataatinneqartariaqartut, Jess Svane oqaaseqartarfimmiit ilaatigut oqarpoq.
Atuaruk: Marlunnik inuiattut erinarsuuteqassaagut?
Demokraatit ajorinngilaat, 'marlunnik inuiattut erinarsuuteqarneq, tamarmillu naligiinnerat ajoriffissaqartinnagut', inuiattullu erinarsuutip aappaa peerneqassangaluarpat, Naalakkersuisut innuttaasunik peqataatitserusupput.
- Aalajangiuffigisassaq pingaaruteqarpoq, inuiaqatigiillu amerlanerussuteqartut peqataatinneqarnissaat naatsorsuutigineqartariaqarpoq. Innuttaasut peqataatinneqarnissaat pingaaruteqarluinnarpoq, apeqqummullu oqartussaaqataanerat ataqqineqartariaqarluni, Kultureqarnermut Naalakkersuisoq, Doris Jakobsen (S) ilaatigut oqarpoq.
Atuartartut amerlanersaasa inuiattut erinarsuutip aappaa peerneqartariaqartoq toqqarsimavaat, taamaasilluni ataasiinnarmik inuiattut erinarsuuteqalissagatta.
Atuaruk: IA'minngaanneersoq inuiattut erinarsuutitsinnik tulluusimaarnerunissamik ujartuivoq
Atuartartulli 34 procentiisa oqallinneq 'soqutiginagu' toqqarsimavaat.
Kisitsisit statistikkimut attuumassuteqanngillat. Taasititsineq Sermitsiaq.AG'p nittartagaani taamaallaat ingerlanneqarpoq, atuartartulli isummaminnik aamma oqaaseqartinneqarsimallutik. Taasititsinermi inerinerit ima isikkoqarput: