Atuartartunut nassuiaat Sermitsiaq.AG nutaaq annermik pissarsiaqarfigiuk
Sermitsiaq.AG-p nutarsarneqarnerata kingorna atuartartut ilaasa nittartagaq eqqortumik nuisinnissaa ajornartorsiutigaat. Uani pitsaasunik siunnersuutinik ilitsersuutinillu nassuiaatinillu.
Nittartakkap suulluunniit nutarsarneqarneranut atatillugu atuartartut ilaat, nittartakkap eqqortumik nuisinnissaanut ajornartorsiuteqalersinnaasarput.
Assigiinngitsut
Browserip nutarterneqarnissaata puigorneqartarnera pissutaakkajuttarpoq, taassuma teknologiip nittartakkat nuisittarmagit.
Sapaatip-akunnerani kingullermi Sermitsiaq.AG-p iluseq nutaaq saqqummiummagu, nutaanik kodilersukkamik suliarineqarpoq. Taakku kodit browserit pisoqaanerit amerlanngitsunik atorneqartut atorsinnaanngilai. Nittartakkap nuisinniarnerata sukkatsinnissaa kissaatigigatsigu taamaaliorpugut.
Tamanna tunngavigalugu browserippit nutartertuartarnissaa (opdaterertuartarnissaa) pingaaruteqarpoq.
Innersuussut
Nittartakkatsinni eqqunngitsumik nuisasoqarneranik naammattuuisunut ilaaguit, browserippit nutarternissaa innersuussutigissavarput. Akeqanngitsumik taamaaliorsinnaavutit.
Nunatsinni browserit atorneqarnerpaat assigiinngitsut uani ataani linki toorlugu alakkarsinnaavatit, tassanilu nutaajunerpaanngorlugit aaqqissinnaavatit.
Toqqorsivik uani nassaarissavat
Toqqorsivitsinni ujaasisarfimmut tunngatillugu aaqqissuisoqarfik arlalinnik saaffigineqarpoq. Isikkorisimasaanut sanilliullugu ersarippallaannginnera nassuerutigissavarput. Kisianni quppernermi qullerpaami erfalasut eqqannguani allisitsiutip assinga nassaarisinnaavat. Allisitsiut toorukku ujaasiffissaq nuissaaq.
Assit
Siornatigut assinik saqqummiussigaangatta allaaserisap ataani assit inissittaraluarpagut. Maanna pisariinnerulersinnikuuarput. Assip oqaasertaani tikkuuteqarpat, assit arlaqarsimassapput. Tkkuut toorukku assi nutaaq saqqummissaaq.
Nittartakkap isikkuata nutaap tigulluarneqarnera nuannaarutigaarput. Kikkut tamarmik pitsaanerpaamik misigisaqartikkusuppagut.
Oqaaseqarit
Nittartakkap eqqortumik nuisinnissaanut unamminartoqartitsiguit imaluunniit nittartakkatsinni nassaarisinnaajunnaagaqaruit, uani ataani oqaaseqarfimmi oqaaseqaannassaatit.