Skip to main content

Atuartartunik isumasiuineq: Nuuk Ugeavis - tusagassiuut nukittooq

Illoqarfiit pingaarnersaata aviisia innuttaasut akornanni nuannarineqarluarpoq

Nuuk Ugeavis inoqutigiinnut agguarneqartartoq innuttaasut tallimaagaangata sisamanit ikinnerunngitsunit atuarneqartarpoq. Taamaalilluni illoqarfiit pingaarnersaata illoqarfimmi aviisia atuarneqartorujussuusarpoq.

Tamanna atuartartunik isumasiuinermi nutaami suliffeqarfimmit Visioboximit tusagassiorfik Sermitsiaq.AG, Nuuk Ugeavisimik saqqummersitsisuusartoq, sinnerlugu suliarineqartumit takutinneqarpoq. Isumasiuinermut inuit 286-it peqataapput, taakkualu Nuummi inoqutigiit 7.488-it 3,8 procenteraat.

Atuartartut agguaqatigiissitsinermit annerusumik ugeaviisi tamakkiisumik isigalugu naammagisimaarpaat, 1-imiillu 4-mut naliliinermi 3,4-mik angusaqartoqarpoq, tamannalu naammagisimaarinninnerup qaffasilluinnarneranut takussutissalluni. Qaffasissumik nalilliineq aviisip siamasissumik imaqartarneranik pissuteqarsorinarpoq, tassa ussassaarutinik, allaaserisanik kiisalu paasissutissanik kulturimut tunngassuteqarnerusunik, atuartartunik isumasiuinerup inerniliinerani atuarneqarsinnaavoq.

- Tamanna soorunami nuannaajallannarpoq. Nuuk Ugeavisip nuannarineqarnera uagut nammineq qularutigisimanngilarput. Illoqarfiup aviisiata nukittoqqutaa suusupagineqassanngilaq. Kisianni atuartartut amerlalluinnarnerinik aallaaveqartumik aviisip nuannarineqartorujussuunera uppernarsarsinnaanngoratsigu nuannerpoq, tusagassiorfiup Sermitsiaq.AG-p pisortaanera Christian SchultzLorentzen oqarpoq.

Isumasiuinermit takutinneqarpoq, aviisi agguaanneqartartoq atuarneqarnerpaasartoq, kisianni qarasaasiakkut atuarneqarsinnaasunngorlugu saqqummersitaq malinnaalluarpoq. Atuartartut tallimaagaangata ataatsimit amerlanerit Nuuk Ugeavis nittartakkakkut atuartarpaat. 

Nuummi illoqarfiup aviisia tusagassiuutit naqitat allat tamaasa assigalugit pingaartumik Facebookimit, Googlemit ussassaarutinillu inoqutigiinnut agguaanneqartartunit sakkortuumik unammillerneqarpoq. Danmarkimi aviisit akeqanngitsut assersuutigalugu matoorarput. Kisianni atuartartunik isumasiuineq naapertorlugu Nuuk Ugeavisip ussassaarutitigut nukittussusaa suusupagineqassanngilaq:

- Isumasiuineq tusagassiuutitigullu paasissutissat nalinginnaasut nalilersuinermik suliaqartumit katersorneqarsimasut tunngavigalugit Nuuk Ugeavisip niuernikkut oqariartuutinik ingerlatitseqqiisarnermi pingaarutilimmik inissisimaffeqarnera ersersinneqarpoq, taamaalillunilu najukkami pisiniarfiit ussassaaruteqartarnerat eqqarsaatigissagaanni suli tunngavissaqarluarluni, inerniliinerup ilaani oqaatigineqarpoq.

Qatserisarfik qatserisartuni aalajaatsut pillugit nalliuttorsiorpoq
Ukiuni 40-ni kingullerni qatserisartut aalajangersut Nuumminngaanneersut illoqarfiit pingaarnersaanni ikuallattoqalersillugu orniguttarput qamiteriartorlutik, inuunermillu annaassiniariartorlutik....
Peqqinneq Susassaqartitsinerlu pillugit immikkoortortaq Kommuneqarfiup Allaffianut nuuppoq
Peqqinneq Susassaqartitsinerlu pillugit immikkoortortaq Imaneq-mi inissisimajunnaarpoq. Immikkoortortaq matuneqanngilaq, taamaallaalli Kuussuaq 2-mut Kommuneqarfiup Allaffianut nuutinneqarluni.
Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

Seneste Ugeavis

SENESTE NUUK - NYHEDER