Atuarfimmi kodelerineq

Misiliutitut ingerlanneqartut, atuarfimmi kodelerineq, iluatsilluartutut nalilerneqarpoq. Tele-Post, Kommuneqarfik Sermersuumik suleqateqarluni ingerlatsisoq, taama naliliivoq.

Nunatsinni siullerpaamik kodelerinermik atuartinneqartut tassaapput Nuummi Kangillinnguit Atuarfiani 7. klasse, sapaatip akunnerani matumani atuartinneqaramik.

Kodilerineq ikiorsiullugu ajornartorsiutinut piviusunut aaqqiissutaasinnaasunik atuartut ullunik tallimanik sivisussusilimmi atuartinneqarput. Aaqqiissutaasinnaasumik ilusilersuineq ilinniarpaat, aaqqiissutissarlu app-programmi ”Scratch” atorlugu koderlugu. Tamatuma kingorna atuartut aaqqiissutissatut siunnersuusiartik Tele-Postimut saqqummiuppaat.

Tele-Post tusagassiorfinnut taama nalunaaruteqarpoq.

- Meeqqat nuannisaqaat tulluusimaarlutillu, app-illu programmiliornernik kodiinernillu ilinniutaasinnaasut kodiinernut ilinniutigaat. Unamminartoqalaartitsipput suleqatigiinnissap ilinniarneqarnissaa, suliarinninnerup suleqatigiinnissallu tamarmik ilinniarneqarnissaat eqqarsaatigalugit, Tele-Postimiit Tanja Christensen Coding Classip ingerlanneqarnerani ataqatigiissaarisoq oqarpoq.

Suleqatigiilluarneq

Tele-Postip pisortaa, Kristian Reinert Davidsen aamma Kommuneqarfik Sermersuumi borgmester Charlotte Ludvigsen, Kangillinnguit Atuarfianni atuartinneqartunik malinnaareerlutik naliliipput suleqatigiinneq ingerlalluarsimasoq.

- Coding Class meeqqanut misigisaavoq pissanganartoq ilinniarfiusorlu. IT ullumikkut atuartitsinermi assut pingaaruteqarpoq, taamaattumik Kalaallit Nunaannut anngussimanera nuannaarutigeqaara, borgmester Charlotte Ludvigsen oqarpoq.

- Meeqqat kodiinermik suliaminnik takutitsigaangata isaanni qaamaneq takullugu, siunissami Tele-Postimi piginnaaneqarluartunik sulisoqalernissaq nunallu digitalikkut siunissaa qaamanerusutut isikkoqalerpoq, Kristian Reinert Davidsen oqarpoq.

Tasiilami anorersuarnissaanik aarlerisaarut

DMI Tasiilami Kategori 2-mik sakkortussuseqartumik anorersuarnissaanik aarlerisaarivoq, 6. marsi 2024 nal. 09.00-imiit 7. marsi 2024 nal. 01.00-imut atuuttussamik. Anorersuaq sekundimut 25...

Snow Fest-imi iluatsilluartumi nutaaliorsinnaaneq nuannaarutigineqarpoq

Aputit, nipilersortut ataatsimoornerillu nuannersut sammereerlugit ukioq manna Snow Fest sapaatip akunnerata naanerani naammassineqarpoq. Pisortatigoortumik ajugaasup...

Powered by Labrador CMS