Atuarfimmi ikuallattoqarnerata kingorna ilisimannittunik ujartuisoqarpoq
Nuummi Nuussuup Atuarfiani minnerusumik ikuallattoqarnerata kingorna politiit ilisimannittunik ujartuipput.
Pingasunngornermi unnukkut nal. 23.01 Nuummi Nuussuarmi Nuussuup Atuarfiani ikuallattumut politiit aggersarneqarput.
Ikuallattoq annertunngitsoq sukkasuumillu qatserisartunit qaminneqartoq, pigaartut pisortaat Jørgen Madsen, Sermitsiaq.AG-mut oqarpoq.
Taamaattumik ikuallattoqarnerani atortunik annertunngitsumik ajoqusertoqarpoq.
Jørgen Madsenip oqarnera naapertorlugu, politiit atuarfiliartinneqartut imerpalasunik ikuallassinnaasunik nassaarsimapput, ikuallatsitsisoqarsimasinnaaneranillu tamanna takussutissaanerarpaa.
Taamaammat politiit suliami pingasunngornermi unnukkut 23.01 nalunaaruteqartoqarnerani piffissaq taanna sioqqullugu imaluunniit kingorna takunnissimasinnaasunik ujartuipput.
Politiit 70 14 48-mut attavigineqarsinnaapput.
DMI Tasiilami Kategori 2-mik sakkortussuseqartumik anorersuarnissaanik aarlerisaarivoq, 6. marsi 2024 nal. 09.00-imiit 7. marsi 2024 nal. 01.00-imut atuuttussamik. Anorersuaq sekundimut 25...
Aputit, nipilersortut ataatsimoornerillu nuannersut sammereerlugit ukioq manna Snow Fest sapaatip akunnerata naanerani naammassineqarpoq. Pisortatigoortumik ajugaasup...