Skip to main content

Atuarfeqarfiit pisortaa: Titartaanerit massakkut salinneqassapput

Qinngorput aqqutaani arlalinni titartuisoqarsimavoq. Taakkuli ilaatigut USK-mi soraarummeertunit titartorneqarsimasinnaarpasipput. Atuarfiit atuartui arlallit aamma titartaasimasut, USK-mi rektori, Karno Lyngep eqqaassutigaa. Kanngillinnguit atorfiani rektori suliaq oqaaseqarfigerusunngilaa. Kommuneqarfimmi atuarfeqarfinnut pisortaasup titartukkat piiartikkusuppai.

Ullut 14-nit missaat qaangiussimalerpoq soraarummeertut ilaatigut USK-ip atuarfianeersut Qinngorput tungaani piffinni arlallinni titartuisimanerat, saliisoqarnissaanullu maannamut suli akisussaaffimmik tigusisoqarsimanngilaq.

Atuaruk: Innarliinerit soraarummernermik taamaatitsisoq: Niviarsiaraq kivilerneqartoq

Qinngorpumi titartuinerit

Allaaserisap ataani takuneqarsinnaasutut, Nuummi Qinngorput tungaanut piffiit arlalinni suli titartuinerit takussaapput. Ingammik Stanislaw Plads-ip qanitaani ilaatigut "USK 2017 10.B" aamma "KANG 10.B 2017" allannillit takussaapput. Piffiit ilaanni allaat atuartut nammineq atitik allassimallugit.

Qinngorpumi nermallagiami siullermi "10.A KANG 2017" allanneqarsimavoq.

- Allanik atuarfeqarpoq

USK-mi rektorip, Karno Lyngep, Sermitsiaq.AG-mut eqqaamaqquvaa titartuinerit pillugit atuarfiit allat aamma ajornartorsiuteqarmata.

- Aap, pitsaanerpaajunngilagut, atuarfiit allat aamma allanneqarsimapput, sooq taakku aamma oqaloqatiginianngilingit? Pisut pillugit uagut malersungaasorujussuuvugut. Tamanna pillugu kommuni oqaloqatigisariaqassavat, Karno Lynge kamaqqajaalluni oqarpoq.

Isumaqanngilatit atuartuutippit titartuisimanerannut akisussaasuullutit?

- Kommuni atuarfiit tamarmik, ukioq atuarfiusoq qanoq naggasertassaneraat oqaloqatiigiissutigisussaavaat. Tamanna juunip ulluisa 12-ni oqallisigissavarput.

KANG-miit oqaaseqarumanngitsoq

Kangillinnguit Atuarfiat – ulluinnarni KANG-mik taajuuteqartinneqartoq – pisortaa Laila Lyberth, Sermitsiaq.AG-p oqaloqatigisimavaa. Taannalu oqaaseqarusunngilaq.

- Akissuteqartinnanga, suliaq misissoqqaarusuppara, taanna oqarpoq.

Kommuni saliititsiniartoq

Kommuneqarfik Sermersuumi atuarfeqarfiit pisortaata Jesper Madsenip Sermitsiaq.AG-mut oqaatigaa isumaqarluni titartuinerit tamarmik peerneqareersimasut.

- Nukappiaqqat pingasut USK-mi pedeli peqatigalugu, titartorsimasaat piiartikkiartorneqarsimangaluarput. Maluginngitsuungaqarsimasinnaavugulli. Atuarfiit tamanna pillugu oqaloqatigissavakka, salinneqartussaappummi, Jesper Madsen oqarpoq nangillunilu:

- Minitaqarsimappatta, soorunami isumagissavarput.

Sermitsiaq.AG-p politiit oqaloqatigisimavaat, taakkuli tassunga tunngasumik unnerluussummik tigusaqartinnatik annertunerusumik iliuuseqarumanngillat. Unnerluutiginnittoqarpallu titartuisimaneq pillugu suliamik aallartitsiumaarlutik.

Qinngorput tungaanut aqqutaani assilisat uani takukkit:

Velkommen til debatten
  • Oqallinneq malinnaaffigalugulu peqataaffigerusukkukku cookie akuerissavat.
  • Sermitsiaq.AG-p atuartartut akunnerminni isumaqatigiinngikkaluarpataluunniit kissaatigaa, pitsaasumik oqallittoqartarnissaa. Oqallinnissamut malittarisassavut unioqqutinneqarpata oqallinnermut peqataaqqusaajunnaartitsisoqarsinnaavoq.oq .
  • Peqqarniitsumik oqaaseqartoqarsimaneranik nalunaarutiginnittoqarsinnaavoq, "rapporter" toorlugu imaluunniit ”markere som spam” toorlugu”.

Forsiden lige nu

SENESTE NYHEDER