Atuakkiortup juumuua
Milik Publishingimik piginnittup, aaqqissuisup Lene Therkildsenip, inuusuttunnguaq Niviaq Korneliussen aallartinnissaanut ikiorpaa. Inuusuttunnguullunili taanna immikkut illuinnartuuvoq. Atuakkiornermik aallusserusuttuuvoq.
Kalaallit Nunaanni sumi tamaani Niviaq Korneliussenip ajugaanera nuannaarutigineqaqisoq, AG allappoq.
Inuit attaveqaqatigiittarfiini nuannaarneq angeqaaq.
Ingammik inuup ataatsip qamuuna nuannaarutigeqaa, Nunani Avannarlerni atuakkiornermi nersornaatit qaffasinnersaat siullerpaamik Kalaallit Nunaannit pissarsiarineqarmat.
Aaqqissuisoq aamma naqiterisitsisarfimmik Milik Publishingimik piginnittoq, Lene Therkildsen atuakkiortup inuusuttup nuannarineqarneranut pisooqataalluinnarpoq.
Taamali nersorniarneqarnissaminut imminut pingaartinngilluinnarpoq. Lene Therkildsen oqarasuaatikkut qamannga pisumik illalaarpoq.
- Ataqqinaat uanga tigorusunngilara. Taassumunnga allanullu arlalinnut aallartinniarneranni ikiortaasimavunga, ilaatigut tassaasunut Iben Mondrup aamma Sørine Steenholdt. Niviap allannerata nalaani oqaloqatigiittaqaagut.
- Atuakkiornermut juumuutut imminut taasarpunga.
Aviisimi AG-mi atuarnerusinnaavutit. Aviisi uani pissarsiariuk: