Skip to main content

Atuakkiortoq: Canada timmisartut aqqutissaannut nutaamut tapersersuisariaqarpoq

Timmisartukkut aqquteqaleraluarpat kalaallinut Akilinermiunullu iluaqutaassagaluaqisoq, Canadamiu immikkut ilisimasalik isumaqarpoq. - Canada assamminik isaassisariaqarpoq aningaasalersornissaanullu ikiuulluni, taanna oqarpoq

Canadami aviisit annersaat, The Globe & Mail, sapaatip akunnerani kingullermi allaaserisaqarpoq, pimoorussilluni siunnersuuteqarluni Canadap Nunatsinnut attaveqarnini nukittorsartariaqaraa aamma Canadami naalakkersuisut nunat taakku marluk akornanni timmisartukkut aqquteqalernissaanut piaarnerpaamik aningaasaliisariaqartut.

AG taamatut allappoq.

- Kalaallit Nunaanni takornariarpassuaqalernissaanik naatsorsuutigisaqarneq Canadamut aamma periarfissiissaaq. Naggueqatigiit Inuit Akilinermiittut Kalaallit Nunaanniittullu oqaaseqatigeereerput, aamma oqaluttuarisaanikkut kulturikkullu assigiissuteqarlutik. Takornariat Kalaallit Nunaaliartut ”pissiallannerinnakkut” Iqaluit, Pannertooq, Qikertarsuaq, Kangiqsugaapik aamma Mitsimatalik - Akilinermi Schweizimiut alpiinut assersuunneqarsinnaasoq, tikissinnaassavaat. Takornariartitsineq tamanut aaqqiissutaanngilaq, pisulli eqqortumik iliuuseqarfigineqarpata inuussutissarsiut inuiaqatigiinnut tamaaniittunut suliffissaqartitsilersinnaassaaq, kulturitoqqamik nersuiniarnerussalluni aamma tamatuma peqatigisaanik sakkortuumik suliffissuaqarfiusunit pinngortitamut avatangiisinullu ”inussiarnernerusumik” takornariartitsisoqarsinnaassalluni, Michael Byers, The Globe & Mailimi allappoq.

Michael Byers aalajangersimasunut tunngasunut atuakkiortuuvoq aamma University of British Columbiami ilisimatusartuulluni, nunanut tamalaanut politikimi immikkut ilisimasaqartuulluni aamma paasisassarsiorluni Nunatsinneeqqammerpoq.

Allaaserineqartoq aviisimi AG-mi tamakkiisumik atuaruk. Aviisi uani pisiarineqarsinnaavoq:

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER