Atuakkiortoq Jane Aamund toquvoq - 82-nik ukioqarluni
Marlunngornermi unnukkut Jane Aamund toqukkut qimaguppoq. Ernera nukarleq Berlingskemut taama ilisimatitsivoq. 82-inik ukioqarluni toquvoq.
Atuakkiortoq aamma tusagassiortoq Jane Aamund toquvoq. 82-inik ukioqarpoq. Berlingske taama allaaserisaqarpoq.
Jane Aamund marlunngornermi unnukkut nalunaaqutaq 22.40 Ankerfjord Hospicemi Hvide Sandemi toqukkut qimaguppoq.
Ilaquttaminit qanigisaminit najorneqarpoq, ernera nukarleq, Jens Rekling, Berlingskemut taama ilisimatitsivoq.
- Inuunermi eqqumiitsuliortorsuaq toqukkut qimaguppoq, ilaquttaminit, ikinnguterpassuaminit aamma inunnit isumassarsiorfiginnittutut atuakkiaanit allaaserisaanillu inuunerminni pisuunnguallassimasunit maqaasineqassaaq, Jens Reckling aviisimut oqarpoq.
Aamund juullimili perululluni napparsimavoq. Ankerfjord Hospicemi eqqissilluni toquvoq, sapaatip-akunneri pingasut tassaniissimavoq.
Ukiorpassuarni kræfteqarluni inuuvoq. Atuakkiortutut 1977-imi saqqummeqqaarpoq. Atuagaq "Bag damen stod en Christian" saqqummerseqqaarpaa.
Kingorna pisiariortorneqarluartut "Colorado drømme" (1997) aamma oqaluttualiat "Klinkevals" (1989), "Juliane Jensen" (1990) kiisalu "Oven vande" (1992) - Klinkevalstrilogienitut aamma ilisarisimaneqartut.
Saqqummersitaa kingulleq eqqaamasalikkersaarut "Samtaler om natten" 2018-imeerpoq.
Aamund pingasoriarluni katissimavoq, marlunnik erneqarpoq, sisamanillu ernutaqarluni.