Skip to main content

Atuakkianik pinerluttulersaarutinik takutitsinermi kalaallit atuakkiaat peqataapput

Atuakkiortut Nina von Staffeldtip Hans Jakob Helmsillu atuakkiatik, marluullutik nqiterisitsisarfimmit Mlik Publishngimit saqqummersinneqartut, oqaluttuaraat

Arctic Noir...

Kalaallit Nunaanni pissanganartulersaarutit pinerluttulersaarutillu immikkut sammineqalersimapput.

Atuakkat marluk peqataapput

Tamakkuninngalu atuakkanik marlunnik atuakkiortut, Nina von Staffeldt, pinerluttulersaarummik ´Frostne Beviser´ saqqummersitseqqammersoq, Hans Jakob Helmsilu 2015-imi atuakkiaminik ´De dødes fjord´ saqqummersitsisoq, atuakkanik festivalimi Copenhagen Crime-mi arfininngormat apersorneqarput.

Siullerpaamik

Festivali, sapaatip akunnerata naanerani Københavnimi ingerlanneqartoq, atuakkianik pinerluttulersaarutinik - piviusunik oqaluttualianillu - takutitsinerit siullersaraat. Atuakkiortut marluk, atuakkiaat naqiterisitsisarfimmit Milik Publishingimit saqqummersinneqarsimasut, festivalimi apersorneqarput.

Nutaamik atuakkiorpoq

Nina von Staffeldtip, Arnanut aaqqissuisuanit Martine Lind Krebsimit apersorneqartup, erseqqissarpaa atuartartut Kalaallit Nunaannik assigiinngisitaartumik takutinnissaat pingaaruteqartoq.

Tassunga Kalaallit Nunaat pinerluttulersaarummut tunuliaqutaannaanngilaq, oqaluttualiap tamarmi tillerneraa. Tamanna peqatigalugu Nina von Staffeldt oqaluttuarpoq atuakkiami aappaa, Sika Haslundimik pingaarnertut inuttalik, allalereersimallugu. Atuakkiaa siulleq Sisimiuni pisimasuutinneqartoq, tullia Nuummi Uummannamilu pisimasuutinneqarpoq, ilaatigut anngiortumik eqqussuisunik oqaluttuartoq.

Oqaluttuarisaanikkut eqqortoq

Hans Jakob Helms tusagassiortumit Steen Ulrik Johannesenimit apersorneqarpoq. Tassanilu atuakkiortup ilaatigut erseqqissarpaa ´De dødes fjord´imi paasissutissat oqaluttuarisaanikkut eqqortuusut. Ilaatigut ´Projekt Iceworm´-ip allaaserineqarnera - amerikarmiut Sermersuarmi torsuusaliarsuarni tammaarsimaffiat, pilersaarutigineqarluni tassanngaanniit qaartartorsuarnik Sovjetunionimut aallartitsinissaq.

Dødemandsbugten

Atuakkiallu pinerluttulersaarusiat pingajuat ´Dødemandsbugten´, sakkutuujusimasup Thomas Rathsackip atuakkiaa, festivalimi ilisaritinneqarpoq.

 

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER