Atuakkap nutaap ilagiit naalagaaffeqatigiinnerup iluani pingaaruteqarnerat qulaajarpaa
Politikkimut attuumassuteqanngitsoq kisianni ataavartumik peqataajuartoq. Ilageeqarnerup aallarniisui oqaaseqartinneqarput kikkut tamarmik malinnaasinnaatillugit.
Ukioq 1909-uvoq qaammammi augustimi. Kalaallit Nunaata avannaarsuani aasarissuuvoq nukappiaraq anginngitsoq Inuutersuaq nunaqarfiup Uummannap avammut killingani Qaqqarsuup qanittuani.
Aviisi Sermitsiaq taama allappoq.
Tassanngaannaq nukappiaraq eqqumiitsumik misigisaqarpoq. Tassanngaannaq nilliarpaluttoq nipitooq tusaalerpaa, takulerpaalu nunaqarfimmi inersimasut arpallutik aallartut suaartaatigalutik umiaq angisooq.
Inuutersuaq sapinngisannguaminik malinnippoq takulerpaalu umiarsuaq sinerissap avatinnguaniittoq. Taanna tassaavoq umiarsuaq pujortulik »Godthaab« North Star Bayimi kisaqqasoq, qimmillu miaggoornerannit umiarsuup siggartaataa siggartoq tusaasimavaa.
Tamanna Kalaallit Nunaanni ilagiit aamma kristumiussutsip oqaluttuarisaanerani pingaaruteqartuuvoq. Umiarsuarmi »Godthaab«-imi ilaasut ilaat tassaapput issittumi ilisimasassarsiortartoq Knud Rasmussen aamma palasi kalaaleq Gustav Olsen, taanna taavaniittussaavoq Avanersuarmiut akornanni sulilersussaalluni. Taamatut pisoqarneranut takussutissaq erseqqilluinnartoq tassaavoq 1906-imi februaarip ulluisa sisamaanni pilersinneqartoq Udvalget for Den grønlandske Kirkesag...
Aviisimi Sermitsiami atuagaq "Kirken i Grønland - 1900-2000" pillugu allaaserisaq atuarsinnaavat. Aviisi uani pissarsiariuk: