Aalisarneq
Attumit Kitsissuarsunnut nipisanniarneq aallartissaaq
Nunaqarfinni arlalinni nipisanniarneq aallarteriaannanngorpoq
Sapaatip akunnerata tulliani NAFO-p aqutsiveqarfiani 1Ba-mi ataasinngorpat nipisanniarneq aallartissaaq.
Nipisanniarfigineqartussaq pineqartoq tassaavoq Attup kujataanit Kitsissuarsunnut.
Pisassarpassuit
Aqutsiveqarfimmi 1Ba-mi nipisat 279 tonsit pisassiissutaapput.
Nunatta kitaata aqutsiveqarfiini arfineq-marluusuni nipisat katillugit 1.500 tonsit pisassiissutaapput.
Pisassiissutit nuunneqassasut
Aqutsiveqarfimmi 1Ba-mi ulloq tunisineq kingulleq tassaassaaq tallimanngorneq juunip 10-at, pisassiissutit tamakkerlugit ulloq taanna nallertinnagu aalisarneqarsimanngippata.
Aqutsiveqarfinni taakkunani pisassiissutit tamakkerneqarpata, aalisarneq unitsinneqaqartoq nalunaarutigineqassaaq. Pisassiissutit tamakkerlugit aalisarneqanngippata aqutsiveqarfinni allani aalisarneqarsinnaasunngorlugit pineqassapput.
Atuaruk: Sisimiut eqqaani nipisanniarneq aallartilerpoq