Attumi uuliakoornermut ruujorip ussiillisimanera pissutaasoq
Attumi solar uulia 350 liiterit missaanniittoq sapaatip akunnerani matumani kuussimavoq.
Annonse
Attumi innuttaasut ilaat nunaqarfiup tankeqarfiata eqqqaani tipimik naamasaqaleramik, nunaqarfiup tankeqarfianit solar uulia sapaatip akunnerani matumani kuussimasoq paasisimavaat. KNR allappoq.
Polaroilimi ingerlatsinermut pisortaq Gerth Jack Storer KNR-imut oqarsimavoq, tankeqarfiup iluani silaannaajaaviup ruujoriata ussiillisimaneranik maqisoorneq aallaaveqartoq, maannali maqinera unitsinneqarsimasoq.
Maqisoqarneranut atatillutu qatserisartut suliaqarsimapput, qatserisartullu uulia tippassimasoq 350 liiterit missaanniittoq katersorsimavaat.
Qatserisartut pisortaat Thomas Alaufesen isumaqarpoq, Attumi innuttaasut uuliakoornermi ulorianartorsiortinneqanngitsut.