urandebat
Attortisimaartoq Randi: Sooq inuiaqatigiit pilliutigaasigit?
Partii Inuit Inatsisartunut ilaasortaatitaat Randi Brobergip urani pillugu oqallinnermi Siumut akerlilerpaa
Uranimut akuersaanngilluinnarnerup allanngortinneqarnissaa pillugu inuiaqatigiit taasitinneqartariaqartut Partii Inuit Inatsisartunut ilaasortaatitaata Randi Brobergip siunersuutigaa. Piumasaqaatini taamaalilluni suli attappaa.
Attortisimaartoq Randi Broberg uranimut akuersaanngilluinnarnerup allanngortinneqarnissaanut Inatsisartuni aappassaanneeraluni oqallinnermi oqaluttarfimmit oqaaseqarpoq.
- Naak inuiaqatigiit ilaatinneqarnissaat? Sooruna inuiaqatigiit pilliutigineqarniartut Kalaallit Nunaata aatsitassarsiorfinngortinniarnerani? Randi Broberg Siumumut apeqquteqarpoq.
Siumulli urani pillugu isumaa allanngunngilaq.
- Inuiaqatigiinnut paasititsiniaasoqartassaaq kiisalu urani pillugu paasititsiniaasoqartassalluni, aatsitassat pillugit Siumup oqaaseqartartua Kim Kielsen oqarpoq.