Skip to main content

Attaviitsutut oqalugiaqqaarneq: Aleqa kommunefogedit amerlanerunissaannik ujartuivoq

Politiit Danmarkimilu ilinniartut atugaat Aleqa Hammondip eqqartugaasa ilagaat

Aningaasanut inatsisissamut siunnersuutip 2017-mut siullermeerneqarneranut atatillugu Aleqa Hammond attaviitsutut siullermeerluni Folketingip oqaluttarfianit oqalugiarpoq.

Tassanilu politiit aamma SU ukkatarineqartut ilagaat.

Folketingimi ilaasortap oqalugiarnermini ilaatigut kommunefogedinik amigaateqartoqartuarnera iliuuseqarfigineqarnissaa ujartorpaa.

Nunaqarfiit 14-it amigaateqartut
Nunaqarfinni 60-usuni nunaqarfiit 14-it kommunefogeqanngillat, tassa paasillugu pisariaqartitsisoqartillugu imaaliallaannaq saaffissaqaratik. Naalagaaffiup innuttaminut tamanut pitsaasumik illersorsinnaasumillu atugassaqartitsineq pingaartikkuniuk atukkat taama ittut akuersaarneqarsinnaangillat.

- Kommunefogessaqartannginneq akissutaanngilaq, kisiannili isumaqarpunga kommunefogedit sulinerminni akissaataat aammalu atugassarititaasut pitsanngorsaavigineqarpata soqutiginninneq annertusissaqisoq, Aleqa Hammond oqarpoq.

Atortut pitsaanerusut
Inuit Ataqatigiit folketingimut ilaasortaatitaat, Aaja Chemnitz Larsen, assigalugu attaviitsup Kalaallit Nunaanni politiit attaveqarnermut atortorissaarnerunissaat pingaartippaa.

Aleqa Hammondip aamma Venstrep naalakkersuisoqatigiivisa ilinniartitaanermut aaqqissuusseqqinnissat maluginiarpai.

Qallunaat naalakkersuisa tassani ilinniartut aningaasanik atornerulerlutik pisartagakinnerulernissaat siunnersuutigaat. Taarsigassaqarnerlu tamatuma annertusissavaa.

Atuaruk: IA qallunaat aningaasanut inatsisaannut piumasaqaatinik piariigaqartut

Iluaquserneqassasut
- Ilinniagaqartorpassuavut ilinniarnerup sivikinnerpaaffissaanik piumasaqaateqarnermut angummassinnaneq ajorput, tamannalu ilinniarnermut malinnaasinnaannginnermik peqquteqanngilaq. Oqaatsit allat atorlugit ilinniarneq, ilinniartooriaaseq allaanerusoq, nuna allaanerusoq, atukkat allaanerusut, ilaquttat 4000 kilometerinik ungasitsigisumiittut allarpassuillu peqqutigisaanik ilinniartuutitsinnut kinguarsaataasarput sungiunniarnerilu nukippassuarnik nassataqartarpoq ilinniarnermut kingaalaqutaasumik. 

- Danskinut malinnaaniapiloortoqareersut nunatsinneersunut suli annerusumik ajornartorsiornernik kinguneqarpoq, Aleqa Hammond oqarpoq.

Tassunga tunngatillugu neriuutigaa, Naalakkersuisut Inatsisartullu suleqatiginerisigut kalaallinut ilinniartunut immikkut aaqqiissummik nassaartoqarsinnaasoq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER