Skip to main content

Attaveqaqatigiinnermut suliffik: Katersarineqartunit aningaasarsinavianngilagut

Ussassaariinermut attaveqaqatigiinnermullu suliffeqarfik Lynge Olsen A/S-imit nalunaarutigineqarpoq kræftimut akiuiniarnermut aningaasanik katersuiniarnermi aningaasanik isertinneqartunik aningaasarsinaviarnatik

Neriuffiup aningaasanik katersuiniarnera akisuvoq.

Isertinneqartut 2.525.246,45 koruuniusunit 300.000 koruunit katersuiniarnermi suleqataasunut ussassaarutinullu tunniunneqassapput. 

Aningaasat katersorneqartut naatsorsornerat suli naammasseqanngitsoq Neriuffiup siulittaasua Sara J. Brandt Sermitsiaq.AG-mut marlunngormat ilisimatitsivoq. 

Katersuiniarnermi isertinneqartut 5 procentii Lynge Olsen A/S-imut tunniunneqassasut nalunaarutigaa, tassa 126.000 koruunit missaat. 

Attaveqaqatigiinnermut ussassaarinermullu suliffeqarfimmi  Lynge Olsen A/S-imi piginneqataasup Mads Lynge Lauersenip Sermitsiaq.AG-mi qulequtaritinneqartoq tupigaa.

- Marlunngormat atuagara paasisinnaanngilara. (Allaaserineqartoq ima qulequtaqarpoq: 'Aningaasanik katersuiniarnermi isertinneqartut ilaat danskit suliffeqarfiannut tunniunneqassapput') Qulequttami allaaserineqarpugut danskiusugut katersuiniarnermi aningaasanik tillittugut, Mads Lynge Lauersen Sermitsiaq.AG-mut pingasunngornermi oqarpoq. 

Tillinngitsut
- Katersuiniarnermi isertinneqartunik aningaasanik tillinngilagut. Aap danskiuvugut Danmarkimi suliffiuteqartut, neriuppunga taanna ajornartorsiutitaqassanngitsoq. Kalaallit Nunaanni suliffeqarfinnik assigiinngitsunik ukiuni kingullerni suleqateqarpugut, Mads Lynge Lauersen oqarpoq. 

- Neriuffimmit suliakkerneqarpugut katerusuiniarnermi suleqataatinneqarluta. Aap, suleqataanitsinnut akissarsitinneqassaagut. Sulisoqarpugut aaqqissuussinermut qaammatini sisamani pilersaarusiortumik, ineriartortitsisumik, atortorissaarutinik sanaqataasumik aaqqissueqataasumillu, Mads Lynge Lauersen oqarpoq. 

KNR-TV 100.000-tinnassaaq
KNR-TV-mi pilersaarusiortup Niels Pavia Lyngep uppernarsarpaa KNR-TV 100.000 koruuninik aningaasartuuteqarfigineqassasoq. Teknikerit 16-t sulinerannut 50.000 koruunit atorneqassapput. TV-kkut atortorissaarutinik attartortoqarnera 50.000 koruuninik naleqarpoq, KNR-TV-mi pilersaarusiortoq Sermitsiaq.A-mut nassuiaavoq.

- Missingersuilluta 100.000 koruuninik KNR-TV-mut aningaasartuuteqartoqarnissaa aalajangerparput. Danmarkimi aaqqissuussinerni atortorissaarutit atorneqarneri akisunerujussuusarput, soorlu ullormut atoraanni 100.000 koruuninik naleqarsinnaalluni. Aallakaatitsineq 100.000 koruunit angullugit akeqaraluarpoq, Niels Pavia Lynge oqarpoq. 

TV-kkut takutitassianik, ussassaarutinik allanillu aamma 100.000 koruuninik aningaasartuuteqartoqarnissaa Sara J. Brandtip naatsorsuutigaa.

Velkommen til debatten
  • Oqallinneq malinnaaffigalugulu peqataaffigerusukkukku cookie akuerissavat.
  • Sermitsiaq.AG-p atuartartut akunnerminni isumaqatigiinngikkaluarpataluunniit kissaatigaa, pitsaasumik oqallittoqartarnissaa. Oqallinnissamut malittarisassavut unioqqutinneqarpata oqallinnermut peqataaqqusaajunnaartitsisoqarsinnaavoq.oq .
  • Peqqarniitsumik oqaaseqartoqarsimaneranik nalunaarutiginnittoqarsinnaavoq, "rapporter" toorlugu imaluunniit ”markere som spam” toorlugu”.

Forsiden lige nu

SENESTE NYHEDER