Skip to main content

Attaveqaatikkut ajornartorsiutit Tele-Postip misissorpai

Sapaatip akunnerata naanerani Tele-Postimik atuisartut amerlasuut internettimut attaveeruttoorput. Suleqatigiissitap ajornartorsiut misissorpaa

Tele-Postimik atuisorpassuit arfininngormat internettikkut attavik akunnerni marlunni kipisoormat, modem-itik aallarteqqinniartaraluarpaat kinguneqanngitsumik. Aasaaneranilu sulinngiffeqarnerup kingorna siullermiinngilaq atuisartut taamatut attaveeruttoormata, selskabi namminersorlutik oqartussanit pigineqartoq paasissutissiivoq.

Kipeqattaartoq

- Ajoraluartumik qaammatini marlussunni kingullerni internettikkut attaviup kipisarnera misigisarsimavarput, tamannalu atuisartunik eqquisarpoq. Soorunami tamanna ajuusaarutigisorujussuuvarput, teknikkimut IT-mullu pisortanngoqqammersoq Jonas Hasselriis tusagassiorfinnut nalunaarutikkut nassuiaavoq.

Suleqatigiissitat

Internettimi attaviup kipisaqattaarnera iluarsiniarlugu taanna immikkut suleqatigiissitaliorsimavoq.

– Suleqatigiissitaliap systemivut attaveqaativullu misissoqqissaassavaat attaveqarnerullu kipisarneranut pissutaasut sukkanerpaamik paasiniassallugit. Atuisartutsinnut persaqqussutaasinnaasimasut ajuusaarutigaakka, sapinngisarpullu tamaat internettikkut attavik aalajaallisassavarput, Jonas Hasselriis oqarpoq.

 

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER