Attaveqaasersuutit taamaallaat inuussutissanut eqqussukkanut tulluarput
Nerisassat pinngitsoorneqarsinnaanngillat, nerisassalli eqqussukkat inituallaarlutillu peqqissutsimut akornutaapput.
Kalaallit Nunaanni pinngortitarsuaq nerisassiassanik pitsassuarnik ulikkaarpoq. Nerisassat pitsaanerpaat: Aalisakkat, qaleruallit, tuttup neqaa, umimmaap neqaa sumiiffinnilu allani allarpassuarnik mamartorsuaqarluni.
Taamaakkaluartoq inuussutissatta 80 procentii avataaniit eqqussortarpavut.
Imminulli assortuuttoq tamanna pillugu kingusinnerusukkut.
Aviisi AG taama allappoq.
Siullermik inussutissat pillugit ataatsimeersuarnermut atugassat inisseqqaariartigit oqaluuserisassanilu imminut assortuuttoq inissillugu, tassalu Issittumi nunat immikkoortuisa EU-llu akornanni nunat tamat akornanni oqaloqatigiilluni ataatsimiinnermi sapaatip-akunnerani kingullerni Nuummi Katuami ingerlanneqartumi pisuni (tamanna pillugu quppernerit 24 aamma 25 atuakkit).
Tassani inuussutissat isumannaarnissaat aamma oqaluuserineqarpoq, oqallittut tassaallutik aalisarnermut piniarnermullu Naalakkersuisoqarfimmi immikkoortortami pisortaq Amalie Jessen, Aalisarnermut Piniarnermullu Naalakkersuisumut Karl Tobiassenimut napparsimalluni peqataanngitsumut, taartaasoq. Samit siunnersuisoqatigiiffiani vicepræsidenti Åsa Larsson Blind Ilisimatusarfimmilu nakorsaq immikkut ilinniagalik attaqqinaammillu doktoriusoq Gert Mulvad peqatigalugu kiisalu Moa Johannsson, Sverigemi nunalerinermi teknologiimi suliffeqarfimmi pisortaasoq, aaqqiissutissanik neqerooruteqartartoq soorlu Issittumi kiannerulaamilu ukioq kaajallallugu naatitanik naatitsisinnaanermi. Miguel Roncero EU-mi Issittoq pillugu oqallittarfimmeersoq aamma oqalliseqataavoq.ut Karl Tobiassenimut taataasutui vicepræsidenti en Aalisarnermut Piniarnermullu Naalakkersuisumut Karl Tobiassenimut taataasutu
Oqallinnermi tunngaviuvoq Issittoq nerisassanik tunisassiortuullunilu avammut niueruteqarmat, taamaakkaluartoq nerisassat isumannaarnissaat Issittumi inuiannut nunallu inoqqaavinut ilungersunartut annersaralugu. Oqallinnermi apeqqutinilu aqutsisuuvoq Arctic Frontiersimeersoq Anu Frederikson.
Amalie Jenssenip ilaatigut nerisassat pillugit aalajangiinermi ajornartorsiut saqqummiuppaa, nunani suliffissuaqarfiusuni arlaleriarluni ingerlanneqartartoq, oqaneratuullu tamanna misigissutsit atorlugit aalajangerneqartarluni, pissutsit piviusut aallaaviginagit.
Aviisimi AG-mi atuarnerusinnaavutit. Aviisi uani pissarsiariuk:
