Attaveeruttoorneq: Kulusummi oqarasuaatit angallattakkat attaveerukkallartut
Kulusuup mittarfiani nunaqarfimmilu oqarasuaatinut angallattakkanut atortutigut kukkusoqarsimanera pissutigalugu, oqarasuaatit angallattakkat attaveerussimapput. Sumiiffiit allat qaammataasatigut kiffartuunneqartut aamma ulluni makkunani attaveeruttarsinnaasut, Tele-Post ilisimatitsivoq.
Kulusumi nunaqarfimmi mittarfimmilu oqarasuaatit angallattakkat atorlugit maanna attaveqartoqarsinnaanngikkallarpoq.
Tele-Post nittartakkamigut taamatut ilisimatitsivoq.
- Atortut taartissaat Tasiilamut/Kulusumut nassiunneqareerput. Teknikerillu sapinngisartik tamaat maanna sullipput ajoqutaasoq iluarsiniarlugu, Tele-Post ilanngullugu allappoq.
Qaammataasatigut suliaqarneq pissutigalugu ulluni makkunani aamma Tunumi attaveeruttoqarsinnaavoq.
Avannaanni qaammataasakkut attaveqaatinik allanngortiterinissaq
Tele-Post naapertorlugu nunaqarfinnut Kuummiunut, Sermiligaamut Kulusummullu septembarip 16-ianiit 22-ata tungaanut attaveqarneq kipisaqattaartarsinnaavoq.
Aamma Avannaani qaammataasatigut attaveqarfiusartuni attaveqaatit kipisaqattaartarsinnaapput:
- Qaammataasatigut attaveqaatinik allanngortiterisoqarnera peqqutigalugu Nuummiit sumiiffinnut makkununnga attaveqarneq kipisaqattaartarsinnaassaaq: Nerlerit Inaat, Pituffik, Savissivik, Qaanaaq aamma Siorapaluk, akunnerni qulini piffissami septembarip 19-iani unnuap qeqqaniit septembarip 21-ani nal. 23:55-ip tungaanut, Tele-Post allappoq.