Skip to main content

Attartortut 793-it imermut akiliinerusalissapput

Illoqarfinni arfineq-marlunni Ini-p inissiaataanik attartortut ilaanni siumoortumik imermut akiliutaasartut qaffassapput

Nukissiorfinnut siumoortumik akiliutaasartut Qaqortumi, Paamiuni, Nuummi, Maniitsumi, Kangaatsiami, Qeqertarsuarmi Uummannamilu ulluni makkunani iluarsaanneqarput. Tamatumunnga tunuliaqutaavoq siumoortumik akiliutaasartut Nukissiorfiit akiinut naleqquttuussammata. Taamatut Inissitaatileqatigiiffik Ini tusagassiorfinnut nalunaarutikkut paasissutissiivoq.

Akit naleqqussarneqarnerat pissutigalugu siumoortumik akiliutaasartut qaammammut 40 - 50 koruuninik qaffassapput.

Attartartut imermut akiliutaat Ini-mut akilerneqariarlutik Nukissiorfinnut ingerlateqqinneqartarput. Attartortut 793-it qaffaavigineqassapput.

Nukissiorfinnut siumoortumik imermik akiliutaasartut, qaammatit tamaasa inissiaatileqatigiiffik INI-mut akilerneqartartut, aggustimit iluarsineqassapput. Akit qaffannerat pillugu attartortut allakkanik paasissutissiissutinik nassinneqassapput, Ini tusagassiorfinnut nalunaarutikkut paasissutissiivoq.

 

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER