Skip to main content

Attartortut 398-t akiitsoqarneq pissutigalugu anisitaanissartik utaqqivaat

Inip paasissutissiissutigisinnaavaa attartortut 139-it (inuit aamma ilaqutariit) akilinngitsuukkanik akiitsoqarneq pissutigalugu inigisaminnit anisinneqarsimasut 2014-mi. Attartortut tallimat ileqqorissaarnissamut malittarisassanik unioqqutitsineq pissutigalugu inigisaminnit anisinneqarsimasut aamma nalunaarutigineqarpoq

Inissiaatileqatigiiffiup Inip januaarimiinnaq attartortut qulingiluat anisippai. Taakkua ataatsimut 234.000 koruuninik akiitsoqarput, tamanna nittartakkami allaaserineqartareerpoq.

Nuna tamakkerlugu Inip attartortui suli anisinneqanngitsut 572-it maanna 16 millioner koruuningajannik akiitsoqarput.

Inip paasissutissiissutigisinnaavaa attartortut 398-it akilinngitsuukkanik akiitsoqarneq pissutigalugu anisitaanissaq maannakkorpiaq utaqqimmassuk. Kisitsisini pineqarput attartortut 394-it inissiani kommunimit aamma Namminersorlutik Oqartussanit pigineqartuni najugaqartut aammalu attartortut sisamat Illuutip inissiaataanni najugaqartut. 

Inip paasissutissiissutigisinnaavaa attartortut anisinneqarnerat qanoq akeqarnersoq aningaasartaleruminaatsoq, ineqarnermut naalakkersuisoq, Atassummit Knud Kristiansen, Inatsisartuni ilaasartap Anthon Frederiksenip paragraf 37 naapertorlugu apeqqutaa taamatut oqaaseqarfigaa.

Attartortut 139-t 2014-mi anisinneqartut
Inip paasissutissiissutigisinnaavaa 2014-imi attartortut 139-it (inuit aamma ilaqutariit) akilinngitsuukkanik akiitsoqarneq pissutigalugu inigisaminnit anisinneqarsimasut, aammalu attartortut tallimat ileqqorissaarnissamut malittarisassanik unioqqutitsineq pissutigalugu inigisaminnit anisinneqarsimasut. Kisitsisini kommunip aamma Namminersorlutik Oqartussat inissiaataanni attartortut ilaapput, attartortunik inissiani Illuut-mit pigineqartuni najugalinnik anisitsisoqarsimanani.

Nuummi Inissiaatileqatigiiffik Inimi attartortuusimasut, inigisaminnillu anisitaasimasut, inissiigallarfissaat nutaaq nunatsinni illoqarfiit pingaarnersaanni atorneqalerpoq.

Inissiigallarfissat pillugit kiisalu allaaserineqartoq 'Partii Naleraq: Isertitat najoqqutaralugit akiliisarnissaq' Sermitsiami annertunerusumik atuartoqarsinnaapput. Aviisi uani pisiariuk:

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER