Atsiortitsinerit: Vittus aamma Michael saniatigut sapaatip-akunneranik periarfissaqalerput

Apriilip 24-anni qinersisoqarniarnera, Partii Nunatta Qitornai aamma Suleqatigiissitsisut atsiornernik katersinissamut sivisunerusumik piffissaqalernerannik kinguneqarpoq.

Kim Kielsenip ulloq qinersiffissaq apriilip 24-annut aalajangiummagu, Partii Nunatta Qitornaanut aamma Suleqatigiissitsisunut nutaarsiassatsialaavoq.

Tassami apriilip 17-anni qinersisoqassagaluarpat, atsiornerit pisariaqartinneqartut marlunngorpat tunniutereersimasussaassagamikkit. 24-anni qinersisoqarneratigut sapaatip-akunneranik periarfissaqassapput.

Ulloritinneqartup qularutigineqarnerani ulloq qaninneq malillugu sulisariaqarsimapput, Inatsisartut marsip 13-anni aatsaat ataatsimiigiaqquneqarmata.

Saniatigut sapaatip-akunneranik periarfissaqalernerminni partiit taakku marluk pappiaqqami qinersinermi taasiffissami allaqqanissaat ilimanartorujussuuvoq.

Tassami ullormi qinersinissap nalunaarutigineqarnerani Vittus Qujaukitsup ulloq qaninneq angumerinissaa qularinagu oqarpoq. Michael Rosing marlunngormat assingusumik aamma oqrapoq. Maannalu naatsorsuutigisaminnit sivisunerusumik piffissaqalerput.

Powered by Labrador CMS