Atortut nutaaliaanerpaat mittarfissani taamaatitsisarnerit ikinnerpaatissavaat
Kalaallit Airports Nuummi Ilulissanilu mittarfissanut timmisartornermut teknikkikkut atortunikpilersuinissaq pillugu Spaniamiumut Comsa-mut isumaqatigiissuteqarpoq. Silarluttorujussuarmiluunniitminnissaq atortut isumannaatsuutissavaat, piffissamik eqquisarneq annertunerulersissallugu aammalutaamaatitsinerit ikinnerulersissallugit.
Timmisartoqarfissat nutaat sananeqarnissaat isumaqatigineqarlutillu isumaqatiginnginneqarsinnaapput, kikkulli tamarmik isumaqatigiissutigisinnaassagunarpaat, takinerusunik miffigiuminarnreusunillu mittarfiliornissamik aalajangiisimanermi siunertat ilagigaat, piffissap annerpaavani timmisartut millutillu aallartarsinnaanissaat.
Kalaallit Airportsimit naatsorsuutigineqarpoq, Nuummi mittarfissap nutaap miffigiuminartuunera 95 procentiussasoq – Ilulissanilu 98 procentiussasoq, Nuummi maannakkut 89,9 procentiuvoq Ilulissanilu 94,5 procentiulluni.
Kalaallit Airports pingasunngornermi tusagassiorfinnut nalunaaruteqarluni allappoq, Spaniami suliffeqarfik Comsa Industrial, Nuummi Ilulissanilu Nunanut Tamalaanut mittarfissani teknikkikkut atortunik nutaaliaasunik tunniussillunilu ikkussuinissaanik isumaqatigiissuteqarfigisimallugu.
- Isumaqatigiissut naammassimmat nuannaarutigaarput. Aallarniutaasumik oqaloqatigiinneq nuannerpoq, aammalu Comsap suliassaq pikkorissuseqarluni piginnaasaqarluarlunilu suliarisinnaagaa qularutiginagu misigisimavugut. Nunanit tamalaaneersunut mittarfissanut eqqortup tungaanut tamanna alloriarneruvoq annertoorujussuaq, Kalaallit Airportsimi pilersaarusiornermut pisortaq Jesper Nordskilde oqarpoq.
Atortut minnissamut periarfissaqarnerulersitsissapput isumannaannerulersitsissallutillu, pingaartumik silarlunnerani pissutsit ajornakusoortillugit. Tamatuma taamaatitsinerit ikilisissavai aammalu sumiiffinni marlunni tamaginni piffissamik eqquisarneq annertunerulersissallugu, KAIR allappoq.
Isumaqatigiissut nunani tamalaani neqeroortitsinerup Kalaallit Airportsip ingerlassimasaata, aammalu suliffeqarfiit Europameersut aamma USA-meersut peqataaffigisimasaasa, inerneraa. Comsa Industrial neqeroortitsinermi ajugaasuuvoq aammalu aallartinnissaminut qilanaarluni.
Timmisartornermut teknikkikkut periaatsit imatut isumannaannerulersitsissapput
piffissamillu eqquisitsinerulissallutik
Nuummi aamma Ilulissani nunanit tamalaaneersunut mittarfissani teknikkikkut periaatsinik
assigiinngitsunik arlalinnik atortulersuusersuisoqassaaq.
- Mittarfinni eqqoqqissaartumik miffiusussani mikkiartornermut nutaaliaalluinnartunik
atortulersugaasuni, timmisartortartut mikkiartornermi timmisartup ingerlatinneranut atortui atorlugit ammuinnaq aamma sanimuinnaq ingerlatissinnaalissavaat. - Ungasissutsinut uuttortaatit mittarfimmiittut ingerlatitsinermut naaralaartitsivittut atortut, timmisartumi eqqoqqissaartumik sumiiffimmik uuttortaasinnaalersitsissapput.
- Silasiornermut periaatsit nutaaliaalluinnartunik maluginiutitaqartut, putsut portussusaat, anori, kissassuseq kiisalu mittarfik sinerlugu isikkiviginnera uuttortartassavai.
Napasuliat nakkutiginniffiit nutaat
KAIR mittarfinni atortulersuinerup saniatigut mittarfinni tamani napasulianik nakkutiginniffiusartussanik sanatitsiniarpoq.
Napasuliani silaannakkut angallattunik, sulisunik biiliniittunillu oqaloqateqarsinnaanissamut attaveqaqatigiinnermut atortunik atortulersuisoqassaaq.
Kalaallit Nunaanni nutaatut aamma angallannermi tikittut aallartussallu iliuuseqarfiginissaannut periaatsinik elektroniskiusunik atortulersuusersuisoqassaaq,
kiisalu elektroniskiusoq Air Traffic Service (ATS) alapernaarsueriaaseq ikkussorneqassalluni.
ATS-mi periaaseq (ADS-B Ground Equipment), mittarfiup sumiiffiani biilit tamaasa alapernaarsornissaannut atorneqassaaq. Biilit tamarmik nassiussisartumik atortoqartinneqassapput, taamaalilluni napasuliami nakkutiginniffiusumi skærmikkut sukkulluunniit biilit sumiinnersut takuneqarsinnaassalluni. Tamanna pissaaq timmisartut biilillu akornanni ajutoortoqannginnissaa qulakkeerniarlugu. Napasuliaq nakkutiginniffiusoq tamatuma saniatigut mittarfiup tamakkerlugu alapernaarsornissaanut videukkut alapernaarsueriaatsimik nutaaliaalluinnartumik peqassaaq.