Skip to main content

Atornerluinerit: Aajap kulturi pillugu oqaaseqarnini illersorpaa

Kinguaassiutitigut atornerluinerit pillugit iliuuseqarnerit oqalunnermi aamma politikkikkut maangaannartitsinermut ilaassanngillat, IA-p folketingimut ilaasortaatitaa taama oqarpoq.

Aaja Chemnitz Larsenip (IA) kulturip aamma kinguaassiutitigut atornerluinerit attuumassuteqarnerat kalaallimit folketingimut ilaasortap aappaanit, Aki-Matilda Høegh-Damimit (S) ilaatigut isornartorsiorneqarpoq.

Kisianni Aaja Chemnitz Larsenip (IA) isornartorsiorneqarnini eqqissisimasumik tiguaa.

- Kulturerput atornerluinerpassuarnut pisunut arlaatigut attuumassuteqartutut isigineqarsinnaanera, inuit ilaannit eqqarsarnartoqartinneqarpoq. Inuit annerusumik imaluunniit minnerusumik isumaqataaffigisinnaavaat, taanna tusagassiuutinut nalunaarummi oqarpoq.

- Uanga nammineerlunga takusinnaavara, kinguaariit maanna inuusut 43 procentii tikillugit atornerluineq misigisimavaat, inuiaqatigiinnilu ajornartorsiuterujussuuvoq, taannalu atorunnaarsissagutsigu allanillu atornerluisoqaqqinnissaa pinngitsoortissagutsigu nassuerutigisariaqarparput.

Kulturikkullu iliuuseqartoqartariaqartoq, taanna isumaqarpoq.

- Uanga isinnit kulturi nikerartuuvoq, taannalu ataatsimoorluta ineriartortissinnaavarput, kissaatigisatsinnullu sangutillugu. Meeqqanut inuusuttunullu tamanut atugarissaarnerulersitsinermik imaqarnissaa kissaatigaara, kinguaassiutitigullu atornerluinerit qangangornissaat.

- Taamaattumik oqallinneq ajornartorsiummit peerneqartinnaveersaassavarput, tassa meerartatsinnik kinguaassiutitigut atornerluineq qanoq akiorneqarnissaa. Tamatuma saniatigut uagut politikerit iliuuseqarusussutsimut aamma suleqatigiinnissamut tunuliaqusiisuussaagut – ullumikkut aqaguunngitsoq.

Uneqqissanngitsoq

Asii Chemnitz Narupip politikkimit tunuarnerata kingorna, ataatsimoorluni iliuuseqartoqarnissaa suli pingaarnerulersoq, Aaja Chemnitz Larsen isumaqarpoq.

- Meeqqat atugaat pingaartinniarlugit, partiilersorneq aamma iluareqqusaarluni politikkerneq alarnissaa pingaaruteqarpoq.

Meeqqat inuusuttullu atornerlunneqarsimasut amerlassusaat 40 procentimit 20 procentinut appariarsimasut taassuma maluginiaqquaa.

- Kisianni politikkikkut oqallinnerit ukiuni qulikkaani kingullerni sakkortuseqqittarlutillu arlaleriarlutik unittoortarsimapput. Naammaleqaaq. Maanna tamanna pissanngilaq. Oqallinnerup iliuuseqarnissatsinnut unittoortissanngikkaatigut pingaaruteqartoq oqaatigisariaqarpara.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER