Skip to main content

Atornerluinerit pillugit avoqqaarneq: Kimip allattaa akerliulluni tunuarpoq

Kinguaassiutitigut atornerluinerit pillugit iliuuseqarneq amigartoq Eqaluk Høeghip sakkortuumik isornartorsiorpaa - Naalakkersuisut tungaannaanniunngitsoq; kisianni politikerit tamarmik

Kim Kielsenip allattaa, Eqaluk Høegh, kinguaassiutitigut atornerluinernut tunngatillugu iliuuseqarsinnaanngissusaannut isiginninnermini naammatsippoq.

Videoliami ersarissumik oqariartuuteqarluni politikerit akimasut avoqqaarpai-

- Nalunaarusiat meeqqat atornerlugaanerannik oqaluttuartut atuartarsimanngilaat, taamaanngippat kukkulluinnarlutik pingaarnersiuisarsimapput, Eqaluk Høegh tusagassiuutinut nalunaarummi oqarpoq.

Eqaluk Høgh qinersinerup kingorna Kim Kielsenimut allatsinngunnginnermini ilaatigut Labrador Kangian’-imi oqqassaarisutut aamma KNR-imi oqallinnerni aqutsisutut ilisarisimaneqarpoq. Kisianni maanna atorfimminit tunuarpoq. Piviusulersaarutip 'Byen hvor børn forsvinder'-ip takutinneqarnerata kingorna politikerit qisuariarnera tamatumunnga aalajangiisuuvoq.

- Tupinnaqaaq politikkerit siusinnerusukkut iliuuseqarsimanngimmata, Eqaluk Høegh oqarpoq.

Qilalukkat, saammaasseqatigiinnissamut isumalioqatigiissitaq, aalisagartassiissutit aamma partiit tulleriiaarinerat utaqqisinnaasut, taanna isumaqarpoq.

- Saammaasseqatigiinnissamut ataatsimiititaliarsuup angusai tigussaasut innuttaasunullu iluaqutaasut suuppat? Soqanngilaq! Angusaqanngilaq, partiit symbolpolitikkernissaminnut periarfissaqarikuunerat eqqaassanngikkaanni! Eqaluk Høegh oqarpoq.

 

 

Qinikkat ilaatiguinnaq nuna tamakkerlugu politikkikkut aamma kommunimi politikkikkut sumiginnaasoqarnera nassuerutigimmassuk taassuma kamaatigaa.

- Inatsisartut inatsisaannik inatsiseqarpugut meeqqat atugarissaarnissaannik, peqqissuunissaannik, ineriartornissaannik, toqqissisimanissaannik isumassorneqarnissaannillu pisinnaatitaaffiliisumik. Aamma inatsiseqarpugut Naalakkersuisunik pisussaaffiliisumik; tassalu kommunit inatsimmik naammassinnissinnaaneranik nakkutiginninnissamik.

Inatsisiliat kusarnartut oqaasiinnaapput; politikkerittaluunniit inatsisiliaminnik piviusunngortitsinissamik isumaginnissinnaanngikkunik, Eqaluk Høegh isumaqarpoq.

- Inatsisit sumut atussagatsigit; qinikkattaluunniit inatsimmik atuutsitsineq qulakkeersinnaanngippassuk? taanna aperivoq.

- Ajornartorsiutitta anigornissaanut politikkerigut nammineq saperput. Innuttaasutut pisussaaffeqarpugut. Iliuuseqarta. Kajumissutsimik sulisa. Inuttut ataasiakkaatut qanoq iliuuseqarsinnaanerput eqqartortigu, Eqaluk Høegh kaammattuivoq.

- Maani toqqissilluta ajornartorsiutip aaqqinneqarnissaanik oqalunnitsinni meeraqassaaq atornerlugaasumik.

- Iliuuseqartariaqarpugut! Naasunnguaq Anna-Sofialu kisimiinngillat. Kisimiittutut misigissanngillat.

Eqaluk Høegh, Maasi Pedersen ilaatigut inuiaqatigiinnik isornartorsiuisunit rappertartunit Prussicimit ilisimaneqartoq, peqatigalugu videomik saqqummiussipput.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER