Skip to main content

Atlantikup avannamiui Fynimi unammipput

Odensemi Nordatlantisk Hus ammarnersiorneqarpoq, Håndboldliga-milu GOG-p aamma Mors Thy-p unammineranni atlantikup avannaamiui unammipput

Sæsonimi kingullermi normu 4-ranngorsimasoq Mors Thy, islandimiuynik Gudmundur Olafssonimik unammisartullip arfininngormat ualikkut GOG Jakob Larsenimik sungiusaasullit kalaallinillu Minik Dahl Høeghimik Akutaaneq Kreutzmannimillu kiisalu islandimiumik Snorri Gudjonssonimik unammisartullit, tikeraarpai.
Minutsit siulliit qulit kingulliillu qulingiluat eqqaassanngikkaanni GOG unammilluarneruvoq, fynimiullu 2 pointinnaqqipput 27-25-mik ajugaagamik, muminnermi 14-11-mik siuaqqasimallutik.
Unamminerup immikkoortuata aappaani minutsit 12-it ingerlareersut GOG 21-14-mik siuarsimavoq. Taamaasinerani sungiusaasuunerup Jakob Larsenip unammisartut, nalinginnaasumik unammeqataavallaarneq ajortut atulerpai. Tamanna pissutigalugu aammalu ajugaanissaq qularnarunnaangajammat Mors Thy angusaallualeraluarpoq unamminermilu isertitsinernik marluinnarnik ajorsarluni.
Minik Dahl Høegh unammilluarpoq tallimanillu isertitsilluni. Akutaaneq Kreutzmannip piginnaaneqarluarnini takutillattaarpaa.
GOG unammiuaarnermi manna tikillugu tupaallatsitsinersaasimavoq. Danmarkimi assammik arsartartoqatigiit suli kakkannersarilinngilaat, maannakkutulli taamatut ingerlaannassagunik ukiut marlussuit qaangiuppata taamatut inissisinnaapput.
Isiginnaartunit isigalugu GOG malinnaaffigalugu aliikkusersornarnersaavoq. Minnerunngitdsumik unammisarfimminni anginngitsumi isiginnaartunut qanittumi GOG Arena-mi unammigaangamik isiginnaartunit tamakkiisumik illersorneqarlutik. Arfininngormat unamminerup kingorna GOG unamminerit qulit kingorna suli kusanartumik normu 4-tut inissisimavoq 14 pointeqarluni.
Snorri Gudjonsson.
GOG-p manna tikillugu taama angusarissaartigineranut pissutaaqataalluinnartut ilagaat islandimiu Snorri Gudjonsson. Islandimiu nunanut allanut unammisartoq 32-nik ukiulik GOG-p ajugaasarnerini arlalinni nunarsuarmi assammik arsallaqqinnerpaat ilaattut arsartarpoq. Snorri Gudjonssonip  saassusseriallaqqissusia nalissaqanngilaq, akeqqallu tupigusutsittaqarttaartarpai Snorri Gudjonssonip nammineq periataarusiaminik assersuisut paatsiveerutsikkaangagit. Sæsonip ingerlanerani Snorri Gudjonsson arlaleriarluni nammineq pingaarutilinnik isertitsisarpoq.
– Snorri saassusseriaatsinik eqqortunik nassaarniallaqqissorujussuuvoq. Eqqissisimanartittorujussuuvara Snorri unammisartorigatsigu. Oqilisaattartorujussuuvaanga saassussinerit eqqortumik ingerlatileraangamigit, taamaasilluni uanga assersuineq unammisartunillu bænkimiittunik oqaloqatiginninneq annertunerusumik sammisinnaallugit. Minnerunngitsumik kingulleq pingaaruteqartorujussuuvoq.
– Puigussanngilarput Islandip nunanut allanut unammisartui ukiorpassuanngulersuni saassusseriaatsinik nassaarniarnermi nunarsuarmi siuttuusimammata, nunanullu allanut unammisartuni Snorri pingaarutilerujussuuvoq.
GOG pingasunngorpat unammeqqissaaq, tassani Håndboldligami normu 5, Aalborg Håndbold siorna piasartaasoq, GOG-mut unammiartorpat.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER