Skip to main content

Atlantikup Avannaani ilisimatusarneq aningaasanut inatsimmut ilannguteqquneqartoq

Savalimmiut sinnerlugit folketingimi ilaasortap,, Edmund Joensenip, Sambandspartiet, kissaatigaa atlantikup avannaanni ilisimatusarnikkut suleqatigiinneq aningaasanut inatsimmi pingaartinneqassasoq

Edmund Joensen marlunngormat oktobarip arfineq-pingajuani finansministerimik Nicolaj Wammenimik (S) aningaasanut inatsisissaq pillugu isumaqatiginninniaqateqarpoq. 

Naapeqatigiinneq isumaqatiginninniavinnissamut piareersaataavoq kingulleq, tassani isumaqatiginninniarnerit qanoq ingerlanneqassanersut aamma suut oqaluuserineqassanersut tunngavissinneqartarput. 

Savalimmiunit folketingimi ilaasortap oktobarip pingajuani ammaanersiorluni oqallittoqarmat nalunaarutigereerpaa, Atlantikup Avannaani ilisimatusarnermut aningaasanik immikkoortitsisoqarnissaa sulissutiginiarlugu.

- Kisaatigaara, Atlantikup Avannaata imartaani ilisimatusarneq aningaasanut inatsimmi pingaartinneqassasoq. Savalimmiuni, Kalaallit Nunaanni Danmarkimilu ilisimatusarfiit Atlantikup Avannaani ilisimatusarnikkut suleqatigiiffiat. Suleqatigiinneq, Savalimmiuni ilisimatusarfiup qiterpiaaniittumi pissusissamisoortumik aallaavilik, Edmund Joensen ammaanersiorluni oqalittoqarmat oqalugiarami oqarpoq.

Immap sarfaanik ilisimatusarneq

Ministeriuneq Mette Frederiksern oktobarip aallaqqaataani ammaanersiorluni oqalugiarami oqarpoq, naalakkersuisut mingutsitsinngitsumik ingerlatsinissamut ilisimatusarnissamut en milliard koruunit immikkoortissimagaat.

Edmund Joensenip isumaa malillugu, ilisimatusarnissamut milliardit taakku immikkoortinneqarsimasut Atlantikup Avannaanni ilisimatusarnermut atorneqartariaqarput.

Atlantikup Avannaani immap ingerlaarnerata nunarsuarmi sila tamaat sunnertarpaa aamma nunarsuarmi immamut uummataavoq, taanna erseqqissaavoq.

- Immap qanoq ittuuneranik paasisaqarnerunissarput pisariaqartipparput. Imaani sarfaq allanngoraagami avatangiisimut silamullu sunniuteqartarpoq. Savalimmiuni tamanna ulluinarni misigisarparput. Pinngortitaq inuuffigalugulu inuussutigaarput - Nunanullu Avannarlernut amerlanerusunut sanilliulluta allannguutit sakkoartunerusut malugiaarnerusarpavut, Edmund Joensen oqarpoq.

Edmund Joensenip Savalimmuni ilisimatusarnermut aningaasanik immikkoortitsisoqarnissaa iluatsissimavaa, neriupporlu naalakkersuisut nutaat maanna kissaatigisaanut akuersaarumaartut.

- Naalakkersuisuusarsimasut, tassa partiit talerperliit saamerliillu, Atlantikup Avannaani sila, avatangiisit aalisakkallu sunnerneqartarnerat pillugit ilisimatusarnissamut tapersersuillutillu aningaasaliissuteqartarsimapput. Taamaammat neriuutigaara, naalakkersuisut nutaat, siusinnerusukkut naalakkersuisuusarsimasut assigalugit tusaaniarluarumaartut, Edmund Joensen oqarpoq.

Itisileerusunngitsoq

Edmund Joensen finansministerimik ataatsimeeqateqareerami itisiliilluni paasissutisseerusunngilaq. Atlantikup Avannaani ilisimatusarnissamut aningaasanik qassinik immikkoortitseqqusisimanini oqaatigerusunngilaa.

Pineqartorli ullumi aallarniutitut ataatsimeeqatigiinnermi oqaluuserineqarsimasoq uppernarsarsinnaavaa.

- Aningaasanut inatsisissaq naammassillugu suliarineqarpata qanoq tamanna ikkumaarnersoq takussavarput, Edmund Joensen oqarpoq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER