Atlantikoq ikaarlugu timmisartuussineq: Ataasinngorpat aallarnissaq taamaatiinnarneqarpoq
Air Greenlandip angalasut ikilisimanerat pissutigalugu ukiuunerani timmisartuussisarnissaminik allannguivoq, taamaalu ataasinngornikkut Atlantikoq ikaarlugu timmisartuussisarnermik atorunnaasitsigallarluni.
Aviisip AG-p ullumi oqaluttuarisaatut, Air Greenlandip atlantikoq ikaarlugu sapaatip akunneranut sisamariarluni timmisartuussisarnini pingasunut ikilivai.
Tamanna pivoq Air Greenlandimit naatsorsuutigineqarmat, coronap ajornartorsiortitsinera pissutigalugu ilaasartut ikinnerulernissaat.
Air Greenland tusagassiorfinnut nalunaaruteqarnermini ilisimatitsivoq, Kalaallit Nunaata Danmarkillu akornanni timmisartuussinerni pingaartumik ataasinngornikkut
timmisartuussisarnerit 2021-mi januaarip 31-ata tungaanut peerneqartut.
- Taamaalilluni Kalaallit Nunaata Danmarkillu akornanni sapaatip akunneranut timmisartuussisarnerit pingasunngussapput (marlunngornikkut, sisamanngornikkut
tallimanngornikkullu).
- Nunatta iluani timmisartuussinerit ataasinngornikkut timmisartuussinernut attuumassutillit aamma peerneqassapput, Air Greenland allappoq.
Atuisut pisumit eqqugaasut, angalanissamut allannguutissatut siunnersuummik Air Greenlandimiit toqqaannaq nassinnineqassapput.