Skip to main content

Atlantikoq ikaarlugu aappariit umiatsiartut

Umiatsiamik 40 fod-simik takitigisumik aappariit Nuummeersut Dorthe aamma Jens Kjeldsen Atlantikoq ikaaqqammerpaat

Aappariit Dorthe aamma Jens Kjeldsen Agger-Thymi maannakkut sulinngiffeqarnertik atorpaat. Atlantikoq umiatsiaminnik ’Kigdlût’-imik ikaaqqammerpaat, aqqullu annerpaartaa motoori atunngilaat.

Dorthe aamma Jens Kjeldsen Nuummit maajip 28-ani aallarput Qaqortuliarlutik. Qaqortumit maajip 31-ani aallarput, umiatsiaminnillu Danmarkiliarlutik ulluni 17-ni. 

Sila anorlertoq
- Silamik iluatitseqaagut. Skotlandip eqqaaniilluta allaaqqissivoq, motoorerput atortariaqalerlugu. Vesterhavikkoorluta silarlussiorpugut, Dorthe Kjeldsen Agger-Thymit Sermitsiaq.AG-mut oqaluttuarpoq. 

Nuummit Agger-Thyp tungaanut kisimiillutik angalapput, kalaaliminerpassuarnillu nassataqarlutik angalallutik. 

- Atuartunut naammattunut nerisassaateqarluta aallarpugut. Sapaatip akunnerinut tallimanut naammattunik nerisassanik nassarpugut, ammassannik panertunik nassarpugut, silarlussiornissatsinnullu sillimalluta. Tingerlaateqarluta motoorilu atorpiarnagu umiatsiarpugut, ullunilu 20-ni 500 literi orsussaq atorlugu, Jens Kjeldsen oqarpoq. 

Atlatikukkut aatsaat umiatsiamik angalanngillat. Umiatsiakortik 'Sila' atorlugu angalasareerput, maannakkullu umiatsiaat ’Kigdlût’ 40 fodsimik takitigaaq.

- Sarfakkut umiatsiaraanni orsussaq sipaarluarneqarsinnaasoq paasivarput, Skotlandimit Danmarkip tungaanut taama ingerlaarpugut. 5 knobersorluta angalavugut, angalanitsinnilu ilaatigut 15 knob tikittarparput, Jens Kjeldsen oqarpoq. 

- Aasaq naallugu Agger-Thymiissaagut, aggustimilu Nuummut utissalluta, oqarpoq.

Dorthe Kjeldsen timmisartorluni utissaaq, Jens Kjeldsen Henning Sloth Pedersen peqatigalugu umiatsiamik Nunatsinnut utissalluni. 

- Eqaarsaarnermi ilinniartitsisorinikuuara ukiorpassuarnilu ilisarisimallugu.  Atlantikukkut umiartoqatigiinniarluta aalajangerpugut, aqqutaanilu Savalimmiut aamma Island imaassinnaasoq tikikkigut, Jens Kjeldsen oqarpoq. 

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER