Skip to main content

Atlantic Musicip Københavnimi immiussisarfini matulerpaa

Cd-nik tunisaqarnerup kinguariarnera ilaatigut pissutaavoq Atlantic Musicip Københavnimi immiussisarfimminik ukiortaamiit matusinissaanut

Ukiortaami Atlantic Music marlunnik inuulluaqqusassaqarpoq. Københavnimi immiussisarfik matussaaq aammalu nuusiorfiup ukiuni 15-ni teknikeria pikkorissoq Mik Christensen aalajangersimalluni Københavnimi najugaqaannassalluni immiussisarfiup atortui Atlantic Musicip Nuummi immiusisarfianut nuunneqarpata.

Atlantic Music siullerpaamik 2005-mi Københavnimi Nørrebromi inini attartukkani immiussisarfittaarpoq. Nuusiorfiup ullumikkut immiussisarfia 2007-mi ammarneqarpoq maannalu tassa aalajangiunneqarpoq Københavnimi immiussisarfik matuneqassasoq.

Nuummi pitsanngorsaassapput
- Københavnimi Nuummilu immiussisarfeqarneq imminut akilersinnaanngilaq. Aamma siornatigutut cd-nik tunisaqartigiunnaaratta aalajangerpugut Københavnimi immiussisarfik matuniarlugu Nuummilu immiussisarfimmut pitsanngorsarlugu atortut Københavnimiittut ilaasa nuunnerisigut, Atlantic Musicimi pisortaq Ejvind Elsner Sermitsiaq.AG-mut oqarpoq.

Atlantic Music siornatigut ukiumut assiginngitsunik 18-20-nik saqqummersitsisarpoq. Maanna ukiumut amerlanerpaamik assigiinngitsut qulit saqqummersinneqartalerput.

Produceri teknikerilu Mik Christensen ukiut 15-it Atlantic Musicimi sulivoq. Taannali aalajangersimavoq Københavnimi immiussisarfik ukiortaami matuppat Nuummut nuunniarani.

Ineriartorneq ingerlaqqissaaq
- Mik Christensen produceritut pikkorissorujussuuvoq aammalu saqqummersittakkatsinnik pitsanngoriartitsinikooqaluni. Aamma Mik avissaavissanngilarput. Naatsorsuutigaarput aalajangersimasumik atorfeqartinngikkaluarlugu suliani ataasiakkaani imittarsinnaallugu, Ejvind Elsner oqarpoq.

Aamma Nuummi producerimik aalajangersimasumik atorfinittoqassanngilaq.

- Neriuppugut producerit pikkorissut Islandimeersut, Savalimmiuneersut soorunami aamma Nunatsinneersut suleqatigisarsinnaassallugit. Pingaartorujussuuvoq nipilersornerup ineriartortuarnissaa tamannalu qulakkeersinnaavarput producerit pikkorissut nunanit allaneersut Nunatsinneersullu suleqatigalugit, Ejvind Elsner oqarpoq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER