Skip to main content

Atassut: Urani imatut aaqqiivigissavarput

Qinersinermi Atassut siuariassappat partiit angisuut marluk Aqqalu Jerimiassen qaninnialissavaat. Kikkulli taassuma naalakkersuisoqatigerusussavai? Partiilu urani, nunamik avissaartuutsitsisoq, pillugu qanoq isumaqarpa?

Isumasiuineq kingulleq naapertorlugu IA 13-inik isertitsissaaq Atassullu marlunnik isertitsissalluni. Taamaasilluni partiit taakkua marluullutik Inatsisartuni amerlanerussuteqangajalissapput, AG allappoq.

Apeqqutaavorli Aqqalu Jerimiassenip Avannaaneersup, Múte B. Egede Kujataaneersoq, Nuummi suleqatigisinnaassaneraa?

Imaluunniit Atassut siumukkormiut peqatigerusunnerunerai, soorlu partii ukiuni qulikkuutaani kingullerni imaasiallaannangajalluni taamaasiortarsimasoq?

Nalinginnaasumik ileqquuvoq politikerit qinersinissaq sioqqullugu apeqqutit taamaattut tikinnaveersaartaraat, siumut mattussereerusunnatik. Aqqalu Jerimiassenilumi aamma inissereernissaminut mianersorpoq, ataaserli neriorsuutigaa – qinersinerup kingorna Atassutip Siumut naalakkersuisoqatigiinnik pilersitseqatigigunanngikkaa.

Oqaloqatigiilluartarput

– Taamaaliornissarput ilimananngitsorujussuuvoq, Aqqalu oqarpoq, ersaripporlu puiorsimanngikkaa 2019-imi iluarineqarunnaarluni Naalakkersuisunit tunuartariaqarsimagami, silap pissusianut qularuteqarluni oqaaseqarsimanini pissutigalugit.

Siumumik naalakkersuisunngortitseqatigiinnissamut aporfiusinnaasoq alla tassaavoq, partii talerperliusoq taanna Aqqalu Jerimiassenip ataani ersarinnerusumik pingaartitanillu pingaartitsinerusumik siulersorneqarluni Siumumut anngaaginnartutut isigineqarnini qimanniarsimammagu.

Ullumikkut Aqqalu Jerimiassenip qularutiginngilaa Atassut 2013-imiit ukiunilu tulliuttuni – Siumumik naalakkersuisoqatigiittarnermini assigiinngitsuni – partiimut saamerlermut angisuumut tapersersuisarnermini ilumoorniarpallaartarsimasoq, ima ingasatsigisumik Siumup Atassut peqatigisatut qularnanngitsutut isigilersimallugu.

Allaaserineqartoq aviisimi AG-mi tamakkiisumik atuaruk. Aviisi uani pisiarineqarsinnaavoq:

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER