Atassut: Naalakkersuisunut tatiginninngilagut
Atassutip siulittaasuata Siverth K. Heilmannip ullumi tusagassiortunik katersortitsinermi nassuiarpaa, partii sooq naalakkersuisoqatigiinnit tunuarsimanersoq. Suleqatigiinnerup naammagisimaarneqannginneranik tamanna pissuteqarpoq, isumaliutersuuteqarnerlu qaammatini arlalinni ingerlasimavoq.
Atassutip aamma Naalakkersuisut sinnerisa akornanni naalakkersuisoqatigiinnermi suleqatigiinneq decembarimili ajortoqarsimavoq. Siverth K. Heilmannip ullumi erngertumik tusagassiortunik katersortitsinermi tamanna oqaatigaa.
Aqqalu Jerimiassenimut tatiginninnginnermi apeqqut, Atassutip ukioq ataaseq peqataareerlutik naalakkersuisoqataajunnaarneranut kisimi pissutaasimanngilaq.
- Naalakkersuisuniikkunnaarnermit allatut periarfissaqanngilagut, tamanna decembarimili peqataaffigiinnassanerlugu qqularutigisimavarput, tassami piffissami kingullermi ingerlalluanngilaq, Atassutip siulittaasua taama oqarpoq, taanna avatangiisinut naalakkersuisuunikuuvoq.
Tatiginnikkunnaarnermik nalunaaruteqarneq
- Demokraatit Aqqalu Jerimiassenimut tatiginnikkunnaarnermik nalunaaruteqarniaraluarput, taamaalilluta ilaajunnaassagaluarpugut. Naalakkersuisunit ilaasortaajunnaarnissarput nammineq aalajangigaraarput, taanna oqarpoq.
- Naalakkersuisut siulittaasuat ataasinngornermi unnukkut sianerfigaara, tassani oqarfigaara naalakkersuisoqatigiinneq qimanniarlugu, tamannalu pingasunngornermi tamanut ammasumik nalunaarutigissallutigu. Qinigaaffitsinni angusagut tulluusimaarutigaagut. Kisianni allagaqarluta Naalakkersuisunit suli tunuarniuteqanngilagut, partiip siulittaasua pakatseqqasoq taama oqarpoq, Kim Kielsenip Inatsisartut oqaluttarfiannit marlunngornermi ullaap tungaani partiip saqqummiussiniarneranut pinngitsoortitsinera taassuma misigisariaqarsimavaa.
Allatut toqqaanissaq tulluanngitsoq
Aqqalu Jerimiassenip silap pissusiata allanngoriartorneri inunnit pilersinneqarsimannginnerinik Sermitsiaq.AG-mut oqariartuuteqarnermi kingorna amerlanerussuteqartunit tatigineqarunnaartup taartissaanik nassaarnissaq tulluarsimanngitsoq, Aqqaluk Heilmann nassuiaavoq.
Inuussutsissarsiornermut nukissiornermullu naalakkersuisuusimasoq Aqqalu Jerimiassenip nassuiarpaa, piffissami kingullermi Naalakkersuisunut tatiginnittoqarsimanngitsoq.
Nuanninngitsumik oqaluttoqarpoq
- Piffissami kingullermi misigivarput, nuanninngitsumik qanoq oqaluuttoqartarnera. Angusat pitsaasut isiginiarneqaratik kukkunersiortoqarpoq, Aqqalu Jerimiassen tusagassiortunik katersortitsinermi oqarpoq.
Siulittaasup tullia Qulutannguaq Berthelsen tusagassiortunik katersortitsineq sioqqullugu tusagassiuutinut nalunaarummi nassiussivoq, tassanilu Atassutip Siumumut pituttorsimanera iluaqutaasimanngitsoq. Qinersisartut tatiginninnerat pissarsiareqqinnissaanut taanna qilanaarpoq.