Atassutip siulittaasuata tullia: Nutaamik siulittaasortaartariaqarpugut
Atassutip nutaamik siulittaasortaartariaqarneranik Bentiaraq Ottosenip oqariartuuteqarnera partiip siulittaasuata tullianit Qulutannguaq Berthelsenimit taperserneqarpoq
- Atassut qinersinerni tamani suli kinguariartortuarneq akueriinarsinnaajunnaarpara, folketingimut qinersinerup inernera pakatsissutigeqaaralu.
Atassutip siulittaasuata tullia Qulutannguaq Berthelsen tusagassiutinut nalunaarummi oqarpoq. Bentiaraq Ottosenip oqariartuutaa, tassa partii nutaamik siulittaasortaartaruaqartoq, taperserpaa.
- Uninngavalaalerneq kinguariartornermik kinguneqarpoq siulittaasorlu ataatsimoortitsinerusariaqarpoq taannaavormi ataatsimoorfissaraluarput, Atassutip inuusuttaai ingerlalluarput sulilu tapersersortuarpakka anguniarakku inuusuttut suli amerlanerusut atassummut ilaasortanngornissaat. Piffissanngorpoq atassut siuttoqalissasoq inuusuttumik sapiissusilik qunusuittumillu ilinniarsimasuulluarnissaalu angusariaqalerparput, oqarpoq.
Partiip soiaroartpqqilernissaa neriuutigaa.
- Atassut siunissamut anguniakkaminik siunnerfeqarnerusariaqalerpoq anguniakkallu ersarissut qinersisartunut oqariartuuteqarnerusariaqarluni, Atassutillu politikkimik malitassaat ukkatarineqarnerusariaqalerput oqariaqatuutigisarparpummi Inuk qitiutillugu taannalu sulineq pimoorunnerusariaqalerparput, Qulutannguaq Berthelsen oqarpoq.
Folketingimut qinersinermi Atassut 1.099-init qinerneqarpoq, tamanna 2,1 procentimik kinguariarnerulluni.