Skip to main content

Atassutip siulittaasua: Aalisakkat qineqqusaarutigineqassanngillat

Naalakkersuisut qaleralinnik pisassiissutinik qaffaanerat Atassummit nuannaarutigineqaraluartoq qineqqusaarutigineqartut partiip siulittaasua oqarpoq

Qeqertarsuup Tunuani qaleralittassiissutit amerlineqarneri pissutissaqarluartoq Atassutip siulittaasua Siverth K. Heilmann isumaqarpoq.

- Inuit Ataqatigiit aamma Demokraatit qujaffigerusuppagut tapersiisimanerminnut, naak siornatigut uumasorsiuut innersuussutaannik pingaartitsiuarsimagaluartut. Paasinarporli aamma ulluni makkunani qinersinissaq pillugu isussuttut tusarsaajualersimaneranni, inunnut iluareqqusaanngikkaanni ajornaqaaq, tusagassiutinut nalunaarummi oqarpoq.

- Pisassiisarnerli naapertuuttumik tulluarsarfigineqarsinnaasoq qineqqusaarutigiinnarnagit, allappoq.

Qilalukkat tullinnguuppat?

Qilalugartassiissutit piffissami tulliuttumi amerlineqassappata tupaallaataassanngitsoq oqarpoq.

- Nuannaarutigeqqiinnassavarpullu partiit allat qangaaniilli Atassummiit oqariartuutigiuarsimasagut paasiartulermatigit. Ataguli takoriartigu qilalukkat aamma parteeqarnersut. Piniartortatsinnummi tusarnaarluarnerusinnaasariaqarput, Siverth K. Heilmann oqarpoq.

Marloriaammik amerlanerusumik qaffaaneq

Naalakkersuisut Qeqertarsuup Tunuani sineriammut qanittumi qaleralittassat tamarmiusut 10.580 tonsinut qaffanneqarnissaat aalajangersimavaat.

Taamaalilluni aalisagartassat 5.120 tonsiusut imminut akilersinnaasutut nalilerneqarsimasut marloriaataat sinnerlugit amerlineqarput. 

2.400 tonsinik immikkut pisassiissuteqarnikkut Qeqertarsuup Tunuani pisassiissutigineqartut tamarmiusut siorna 9.200 tonsiusunit amerlanerulerput.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER