Skip to main content

Atassutip siulittaasortaavata Aleqa Hammond tapersersorpaa

– Atassut naalakkersuisooqatigiinni ingerlaannassaaq Aleqa Hammondilu tatigaarput, Knud Kristiansen oqarpoq

Atassutip siulittaasortaava Knud Kristiansen isumaqanngilaq Aleqa Hammondip landskarsip aningaasaataanik atuisimanera kukkunerusoq.

– Akiligassarpassuit ilaqartarput naatsorsuutinut allanneqartussanik utertinneqartussanillu. Taamaattumik isumaqanngilanga Aleqa Hammond kukkusimasoq, Knud Kristiansen oqarpoq.

– Aleqa Hammond apeqqusinngilluinnarparput. Ippassaq isummavut ullumi suli atorpavut, Knud Kristiansen akivoq aperineqarami Atassut qanoq taasissanersoq, marlunngorpat Inatsisartuni nunap siuttuanik tatiginninnginnermik siunnersuuteqartoqassagaluarpat.

Atassutip arfininngormat Nuummi ataatsimeersuarnerani Naalakkersuisut siulittaasuat Aleqa Hammond, Siumumeersoq, oqalugiarpoq. Knud Kristiansenip tatigilluinnarpaa tamatumani Aleqa Hammondip uppernarsaraa Inatsisartut kukkunersiuinermut ataatsimiititaliaata nalunaarusiaa ingasaassinerusoq Aleqamillu ajortisaariniarnerujussuusoq. Atassut naalakkersuisooqatigiinni ingerlaannassanersoq aperineqarami Knud Kristiansen akivoq:

– Aap. Ataatsimeersuarnermi pingaartumik maluginiarsimavara suleqatigiinneq eqqartorneqartoq, Siumumillu naalakkersuisooqateqarneq saqqummiunneqanngilluinnartoq. Sammisaqarfiit marluk, peqqissuseq attaveqarnerlu, tamaviaarullugit suiniutigaavut. Siumut tamakkiisumik tapersersorparput, Knud Kristiansen Siumumik suleqateqarneq pillugu oqarpoq.

Januaarimi taamanikkut Atassutip siulittaasua Gerhardt Petersen Sermitsiaq.AG-mut oqarpoq naalakkersuisooqatigiit pissaaneq annaasinnaagaat ataasiarluni kukkusoqaqqissappat.

 

Velkommen til debatten
  • Oqallinneq malinnaaffigalugulu peqataaffigerusukkukku cookie akuerissavat.
  • Sermitsiaq.AG-p atuartartut akunnerminni isumaqatigiinngikkaluarpataluunniit kissaatigaa, pitsaasumik oqallittoqartarnissaa. Oqallinnissamut malittarisassavut unioqqutinneqarpata oqallinnermut peqataaqqusaajunnaartitsisoqarsinnaavoq.oq .
  • Peqqarniitsumik oqaaseqartoqarsimaneranik nalunaarutiginnittoqarsinnaavoq, "rapporter" toorlugu imaluunniit ”markere som spam” toorlugu”.

Forsiden lige nu

SENESTE NYHEDER