qinersisinnaaneq
Atassutip nunasisut ingerlaannaq qinersisinnaalersikkusuppai
Nunasisut qinersisinnaanerup killilerniarneqarneranut Siumup siunnersuutaa Atassutip 'soqqusaatsutut' taavaa
Nunasisut qinersisinnaanerat Siumumit killilerniarneqarpoq, taamaalillutik ukiut marluk aamma arfineq-marluk akornanni ingerlareeraangata qinersisinnaalissammata, Atassut killormut piniarpoq.
Kalaallit Nunaanni nunasigaanni, taava ingerlaannaq qinersisinnaasoqalissaaq. Angutinnguaq Heilmann partii sinnerlugu taama allappoq. Maanna nunasisut ukiup affaa qaangiukkaangat aatsaat qinersisinnaalertarput.
- Kalaallit Nunaanni inunnik nalunaarsuisarfimmi nalunaarsorneqarsimasut tamarmik qinersisinnaassapput, Nunatsinni inunnik nalunaarsuisarfimmiikkaanni taava nunami arlaatigut isertitaqarsimanermik isumaqarami, taanna nalunaaruteqarpoq.
Tamanna pissutigalugu Angutinnguaq Heilmannip Siumumit siunnersuut tapersersunngilaa.
Atuaruk: Siumut: Nuuttunut qinersisinnaatitaaneq killeqartinneqarli
- Taamaattumik siunnersuuteqarneq Siumumit soqqusaannerusoq isumaqarpugut.
- Kinaluunniit upperisaq imaluunniit nagguik tunngavigalugu innuttaasutut aamma politikkikkut pisinnaatitaaffiit imaluunniit innuttaasut nalinginnaasumik pisussaaffianik naammassinninnissamut piiaaffigineqassanngilaq.
Aamma atuaruk: Qinersisinnaanerup killilerniarneqarnera Demokraatit naleqqutinnginnerarpaat
- Taamaammat Atassummi isumaqarpugut, kikkut tamarmik Nunatsinni inunnik nalunaarsuiffimmi nalunaarsugaasut ingerlaannaq qinersisinnaalissasut.